CMHK MySIM 6 月起加價 依然平過 3HK SoSIM
根據 CMHK 官網中 MySIM 儲值卡收費詳情，原本有一個 Plan 係月費 $33，包 60GB 4G 數據 (其後無限 128kbps) 以及 5000 通話分鐘，然而呢個 Plan 由 2024 年 6 月 26 日起，則由 $33 調整到 $38，而現有客戶則喺呢一日之後續約時自動調整到 $38。而呢個 Plan 本身係包 VoLTE 高清通話服務，基本上比較 3HK 張 SoSIM，平 $4 但其實主要差個防騙王服務，你又會唔會揀佢呢？相比起 3HK SoSIM，CMHK MySIM 其實我會覺得更平，但 SoSIM 方便之處，除咗百佳、屈臣氏都買得到，而且買咗張 SIM 喺 App 入面可以自己搞埋攜號轉台，簡單容易，而 MySIM 雖然都算容易買到，至少「梗有一間喺你左近」嘅 7-11 便利店同埋 OK 便利店都買到，但如果你想攜號轉台，就要親臨 CMHK 門市或者客戶中心辦理，呢個就相對有少少唔太方便，但都係 3HK 網絡以外，另一個性價比高嘅選擇。
(按圖可放大)