50GB 本地 5G Plan 升級至 100GB
講到 CMHK 本地 5G 月費計劃，其實原本佢哋有一個 $149 50GB 嘅 Plan。然而最近留意到，佢哋個 $149 Plan 升級咗，由本身 50GB 本地數據，變咗 100GB 數據，而本身送 2GB 中國內地及澳門數據，就變成咗 4GB，而且仲可以有 20000 MyLink 積分，即係可以當 $200 交月費用，簽約 24 個月，平均月費 $141。但你可能會問，我喺網店仲見到佢哋有 $149 50GB Plan 喎！但留意返，原本 $149 50GB Plan，只係簽 24 個月，但有無發現佢哋而家係變咗 36 個月合約，不過就可以豁免 6 個月月費，計起上嚟平均每個月 $124 左右，變相簽約時間耐咗，但平均月費平咗，不過其實以前 $149 50GB 簽 24 個月，係有送 $600 電子繳費券，計起上嚟平均月費都係差唔多，只係逼你簽耐啲合約。你又會寧願簽長啲約揀返 50GB Plan，定係升級咗 100GB 5G 數據，有多啲大灣區數據可以用呢？
