CMHK 推出 6.18 限時優惠！$110 就有 100GB 5G 數據，抵？

左定坤 (Cho Ting Kwan) 2025-06-02 20:14 | 中國移動香港

最近好多人講 6.18 優惠，呢個係咩日子嚟？其實都係中國嘅節日嚟，指嘅係「618 年中購物節」，係由京東每年發起嘅活動，但而家已經成為好多網店平台大推嘅優惠。所以每年呢個日子，都有好多網店會搞促銷活動，特別係中國公司，就好似中國移動香港 CMHK，最近就推出咗「618 慶典」優惠，其中 5G 月費計劃有限時送 $800 電子繳費券優惠！低至 $110 就有 100GB 數據，想知詳情，睇下文啦！



CMHK 推出 618 慶典活動，將一系列 5G 計劃限時減價，早前就同大家分享過佢哋 5G 計劃升級，由 50GB 升級至 100GB，而且月費都係維持 $149，而今次就仲有 618 優惠，除咗原有免一個月月費之外，而家仲送埋 $800 電子繳費券，計返條數，其實 $110 就可以 Join 到，兼且仲免每月 $18 行政費。

除咗 100GB 5G 本地計劃之外，佢哋仲有 50GB 一咭兩地服務計劃以及 s/ash 5G 服務計劃 30GB，原本月費分別為 $179 以及 $98，而家呢兩個 Plan 分別會送 $800 以及 $600 電子繳費券，扣除優惠分別 $138 以及 $73，你又會唔會考慮呢？

​