Smartone 都玩賣手機同大鋪鬥劈價?「十大熱門手機」最多減 $1300
不知是不是同 SUN Mobile 一樣感到大鋪劈價而來的壓力, Smartone 剛剛都宣佈推出一個「期間限定勁賞」,將十款熱門 Android 旗艦減價,而且 iPhone 6s 同 6s plus 同時即減兩百。所謂的「十大熱門手機」當然包括近日大鋪怒劈後搶手到不得了的 LG V10 同埋 Sony Z5 Premium 啦。當中以 Z5 Premium 減得最多,即減 $1300 要價 $5098 ,而 LG V10 都即減 $1000 賣 $4698 。無錯, Smartone 看來並不知道佢哋勁減完都係唔夠大鋪平嘅,好在 Smartone 係客戶買機時另外會加 $200 手機配件禮劵,同埋一年「爆芒換新」優惠,算係幾著數。▲ 繼中移動將 iPhone 6s 減價後,而家 Smartone 都有減了!
客戶買機有著數? Samsung S6 edge 、 Nexus 6P 平過大鋪
上面提到的 LG V10 同埋 Z5 Premium 都唔夠大鋪平,可能有網友都會想知點解版主會話 Smartone 劈價勁過大鋪呢?因為係十款劈價手機當中,原來 Samsung 的 S6 edge 同埋 Nexus 6P 價錢係比起大鋪更抵玩的。 目前大鋪一般能做到 S6 edge 即減 $600 ,但係 Smartone 就做到即減 $1100 ,賣 $4598 。而 Nexus 6P 大鋪一般都只係減 $400-500 , Smartone 就將 64GB 版本 Nexus 6P 即減 $800 賣 $4188 ,同樣可以鬥贏大鋪!最後都係一個老問題,今次 Smertone 劈價算唔算抵玩呢?同 SUN Mobile 不同,今次 Smartone 不是減「淨機價」,即係以上述價錢買機,首先你要係 Smartone 的客戶。
今次 Smartone 「期間限定勁賞」條款講到明,合約期未屆滿的現有客戶係可以即享機價以及配件優惠的,但要有埋「爆芒換新」優惠,就要加簽多一年約。而新客戶一樣可以用到優惠價買機,但係就要上台簽約 24 個月,選用 $198 以上的月費計劃才能有「爆芒換新」優惠。大家又覺得今次 Smartone 劈價同大鋪又有無得鬥呢?留言講講吧!
▲ 雖然 V10 同 Z5 Premium 都係不夠大鋪平,但係 S6 edge 同 Nexus 6P 價錢就較大鋪抵玩了。
資料來源:Smartone 官網