免額外收費，任用漫遊數據！SmarTone 推出「旅遊數據咭」

左定坤 (Cho Ting Kwan) 2016-01-30 19:14 | 數碼通

就快農曆新年，意味住又係假期的來臨，唔知有幾多網友會趁住呢個假期去旅行呢? 以往去旅行，你或者會狗衝到鴨記去買數據咭，對於住得遙遠的網友來說，其實並不是那麼方便。而家唔洗咁麻煩了，SmarTone 日前推出左一項新服務，只要你附近有 SmarTone，就可以去買張「旅遊數據咭」，以一個固定費用，在亞洲熱門地區任用漫遊數據。



無論你是 SmarTone 抑或其他台的用戶，都可以一個固定的費用，於日本、台灣、新加坡、馬來西亞等亞洲熱門地區任用漫遊數據，無須繳付額外及其後收費，而且仲支援網絡共享，一家人去旅行，買一張 share Wi-Fi 多人使用都無問題。


▲ 值得注意的是，SmarTone 呢張「旅遊數據咭」只限一次性使用，不設增值，而且呢張真係淨係 for 上網，唔可以用黎打電話或者 send 短訊的 (不過而家多數都用 whatsapp，有無得打電話都無所謂啦!)。當產生漫遊數據用量，呢張咭就會開始啟用，有效期至可用日數最後一日的香港時間 23:59。例如你選用左台灣 $228 的旅遊數據咭，於 2 月 1 日晚上 7 時啟用數據咭，有效期一樣都係至 2 月 7 日的晚上 11 時 59 分。

來源：SmarTone