續約即提速
版主朋友用緊數碼通 $88 Plan 好耐了，其實由 $68 開始用起，加了幾次價都無轉台。轉台麻煩呀! 佢係手機都係 WhatsApp、Facebook 為主，所以在無合約下，都無轉台。數碼通為了讓他簽約，提出簽約優惠方案，除了送禮、送儲值卡，今次見到一個 option：提升速度，仲話一倍呀！即係由 384kbps 升級至 768kbps。唔好睇少呢個升級，768kbps 夠你睇唔少視頻，好似 myTV Super Youtube 等等。 若果你用緊數碼通 $88 限速計劃，又無合約，記得留意你嘅 Email，好大機會收到呢個 Offer，上網續約就可以，月費都係 $88 + 行政費 $18。提一下，數碼通限速 Plan 已打通 4G LTE，呢個 Plan 都係一樣，係可以接收 3G 及 4G 頻段。
▲ 有圖為證，版主朋友就收到呢個續約優惠，除左兩升內上網速度升級至 768kbps，還有 $228 旅遊數據卡，或者 $100 禮券，三揀一，你揀邊款？(加簽一年)，舊客可試試按呢到續約，睇下有無呢個優惠。
▲ 新客暫時未有提升度安排，上網速度都係 384kbps。街霸優惠係簽約 20 個月，就免你兩個月月費。如果上網 shop.smartone.com，就有禮券送，簽約較短，只需 12 個月。
扮賓平價上網
好多人都知，要平價上網，識玩一定玩儲值卡。有留意，版主好少介紹數碼通，因為開卡、增值比較麻煩，上網計劃都唔係最抵。但講到限速 Plan，佢地嘅菲律賓語言嘅儲值卡 (名為 Barkadahan sa Smartone)，最近推出了一個幾有趣嘅計劃。就係月費 $108 4G 網絡，速度達 1Mbps，FUP 為 10GB，用爆限速都係 512kbps。相比 $108 Plan，佢好處係給予你嘅數據用量極多，用爆左限速嘅限速都唔算太慢！但數碼通菲律賓語言嘅儲值卡，問題係全部係菲律賓語，你開 Plan ，查用量都要估估下！此外，打電話要一蚊一蚊咁計，而儲值都要去門市找儲值上，當然無得 MNP 帶 Number 過台。最後提提，數碼通嘅限速 Plan，係不能 Tethering，部份 Desktop 版本網站亦上唔到。
▲ Barkadahan sa Smartone 儲值卡，係數碼通門市就有，$50 一張，免行政費。呢張卡打電話都叫貴，網外通電首八百分鐘，每分鐘 $1.5！要增值的話，都要去數碼通門市搵 Barkadahan 專用增值券。
▲ 呢張卡可以開上面兩個 Plan，其中 $108 / 就有 4G / 1Mbps 速度，10GB 後限速都有 512Kbps，18/12 前開 Plan 仲有 $10 回贈。大家可以按佢地 Facebook 了解。