有無攪錯！香港寬頻再三加價！專心搶香港電訊客，自己友無 so？

左定坤 (Cho Ting Kwan) 2017-12-12 19:41 | 數碼通

你無睇錯！上個月版主先同大家提過，香港寬頻 HKBN 流動服務計劃會在 12 月初加價，最後如版主所說的一樣，HKBN 的確係有加價。但意想不到的是，不過是過了 10 日左右啫嘛，HKBN 又再現加價的消息了！連環不斷的加價，到底 HKBN 搞緊邊科？就算版主同香港寬頻 sales 傾開，佢哋都毫無頭緒，唔知公司到底想點。今次又加左幾多呢？睇下文啦！



由今日開始，香港寬頻 HKBN 所有的流動服務計劃都會再加價，5GB 21M Plan 由原來的 $98，再加多 $20，最新月費為 $118；而 6GB 全速 4G 計劃，亦同樣加多 $20，由原來的 $168 加至 $188；至於 12GB 全速 4G Plan，加價幅度就相對少啲，由原來的 $248 加至 $258。



不過，雖然 HKBN 係咁加價，但都不忙要搶香港電訊客。如果由 csl. / 1010 / Sun Mobile 轉台至 HKBN，則可享 $40 月費回贈，心水清的網友應該看得出，回贈左 $40 之後，即係回到原來的價錢。但 HKBN 而家淨係掛住搶香港電訊客，似乎就忽視左自己友，就算你係 HKBN 家居寬頻客戶，上台 HKBN，都沒有回贈優惠。
 

	新月費	香港電訊客戶轉台優惠價
5GB 21M	$118	$78
6GB 4G 全速	$148	$188
12GB 4G 全速	$218	$258

 

香港寬頻初初玩手機台的時候，係玩平價 Plan 的，果陣因為平，所以係吸引到不少網友上台嘅，當時版主亦是其中一個受不住誘惑上台的一員，不過而家 HKBN 頻頻加價，愈加愈貴，或者係有佢哋嘅苦衷嘅，可能係因為輸得太多。但，網友又會唔會體諒呢？