數碼通網絡新成員!市場傳 i-Cable 有線寬頻推自家手機網絡品牌
|
數碼通
版主收到風,i-Cable 有線寬頻將會在香港開手機台,其實呢件事都有跡可尋。諗返前 csl. 大眾客戶市場總裁梁淑儀,點解會無啦啦在今個月起,過檔去有線做營運總裁?唔係,應該咁講, 有線寬頻點解無啦啦會搵一個電訊界資深管理人員去做總裁呢?好大機會係為新手機台開台做準備,需要一個有經驗的人士帶領,如果真的係咁,似乎同版主收到的風有點關聯性。
同時,係街邊賣緊 Plan 嘅朋友都傳緊 i-Cable 正秘密召集緊一班 sales 做 mobile team,似乎有線 i-Cable 開手機台,已經是十有八九的事了。
至於假如 i-Cable 有線寬頻開手機台,會租用邊個網絡商條線呢?版主最初收到的風係用 SUN Mobile,但最近業內則流傳,會租用數碼通才對。
不過,到底 i-Cable 加入賣手機 Plan,會係好似 HKBN 香港寬頻咁,真係攞個 MVNO 牌照,定係只係直接轉售租台嘅網絡,家陣仲未消息,而版主查過 2 月份最新 OFCA 嘅資料,有線寬頻仲未有手機台 MVNO 牌照。話唔定,佢地出服務當日,就係領得MVNO 牌照之時。
如果 i-Cable 出手機台,你又會唔會支持?數碼通用家,你又點睇你用緊嘅網絡將來呢?留言討論下啦!