最平中港澳數據 Plan 現身!免簽約 月費 $28 仲包內地號碼
|
數碼通
你可能會問,點解你唔索性 cut 咗個 number 佢就算呢?哦,最主要原因係太麻煩!叫得做主咭,即係呢個係我常用電話號碼 (就連我工作都係用呢個號碼),所以即使心裡想 cut,都唔係咁方便~ 咁既然要儲號碼,當然愈平愈好。有諗過不如 MNP 轉去 3HK 年卡,但似乎身邊嘅人都唔建議我將主咭轉做儲值咭,然後我就諗,咁一係轉返去自由鳥囉,反正又唔使簽約,想走就走,幾方便。但係,$48 月費,我都覺得還是有點貴。而呢個時候,有一個可能更適合我的 Plan 現身!可惜......
說的是 SmarTone,最近推出咗一個全新的中港澳 Plan,最大的賣點就係平價,入手門檻低!$28 月費,毋須簽約,包 0.5GB 中港澳數據 (都有 500MB,自由鳥最平個 Plan 咪又係 500MB),每月有 1000 香港、澳門通話分鐘,包中國內地號碼。聽落都幾抵下,咁版主你又可惜啲乜呢?要可惜嘅就係:呢個 Plan 居然無得 MNP!!!只可以新號碼上台!!!實在太過份了~ 仲以為終於搵到一個啱自己上台嘅 Plan 𠻹
不過,撇除私人理由不說,呢個 Plan 睇落又幾抵,可以接受嘅,最重要係唔使簽約,網友又會唔會考慮呢?留言講下啦!
按這裡了解更多