主題:平過「數碼賓」!$80 任用 42M 速度數據!評測 Joytel 是否上網神卡

ePrice HK
  • 發表時間:2019-07-06 19:01 收錄檢舉
    用儲值卡 Prepaid Sim 有乜好處?可以用完即棄,狗隻跟不到尾。但最大原因,相信係夠平。
    市場上平價高用量上網 SIM 選擇很多,例如各大外傭卡,如  中國移動香港 CMHK 嘅 Kabayan (花名卡巴仁)、Barkadahan sa SmarTone (花名數碼賓、csl Hemat (花名 HeHe 卡) 等等,而最近市場上出現咗一張超平真無限高速 SIM,由 Joytel 出品,賣價 $80 行 SmarTone 網絡,但仲平過自己l數硬賓卡,更特別之處:聲稱 30 日無限上網無 FUP。實際係點?版主測試過。

    平過「數碼賓」!$80 任用 42M 速度數據!評測 Joytel 是否上網神卡
     

    Joytel 台灣出品

    Joytel 本是台灣卓一電訊,呢張卡本身是給予台灣用戶嘅旅遊漫遊卡,喺香港,用了數碼通的 4.5G 網絡,所以用這張卡,要開數據漫遊。呢張 SIM 全名叫「香港 30 天 4G 真‧無限上網卡」。原價為 $98,深水埗深之都其中一間 SIM 檔,就賣緊 $80,包高達 42Mbps 極速上網,話明「真‧無限」,即係唔會限速。

    於是乎,版主就衝出去買張嚟試下。而根據 SIM 檔店主表示,佢張 SIM 已經用咗二十幾 GB,但依然保持到高速上網,不過深水埗可能多人用,Speedtest 下載速度約 1X - 2X Mbps,而佢喺葵芳果邊測速,更可以上到 4X - 5XMbps,比原本張卡可以去到嘅速度還要快!

    對比 SmarTone 外傭卡:Barkadahan sa smartone (菲律賓傭工) / Sahabat Setia Smartone (印尼傭工),呢張卡都要 $88,頭 15GB 3.6Mbps,之後就限速到 1Mbps 至 40GB,40GB 後一係就跌到 128kbps,一係就加 $18 回復到 3.6Mbps。咁如果而家呢張 JOYTEL 卡係真無限,唔限速,咁似乎真係比起張賓賓卡仲要抵喎!
     

    JOYTEL 香港 30 天 4G 真‧無限上網卡詳情

    原價:$98
    深之都 SIM 舖賣價:$80
    所用網絡商:SmarTone
    數據用量:無限
    會否限速:不會
    網絡速度:42Mbps
    其他:支持 Tethering


    平過「數碼賓」!$80 任用 42M 速度數據!評測 Joytel 是否上網神卡

    平過「數碼賓」!$80 任用 42M 速度數據!評測 Joytel 是否上網神卡
     

    購買呢張 SIM 有無地方要注意?

    001:因為張 SIM 係來自台灣,香港用的話係需要打開「數據漫遊」,所以用完 30 日之後,唔用記得要關閉返「數據漫遊」。

    002:呢張 SIM 係用台灣 IP,亦即係話就算睇一些台灣的節目,都可以睇到,就好似 Line TV,如果用香港網絡,係會睇唔到,但如果用咗呢張卡,就可以睇到!Line TV 係乜? 佢係由韓國 NAVER 旗下公司 Line 在泰國、台灣推出的一個影音平台,入面有好多韓劇、陸劇、泰劇、台劇、綜藝、動漫、電影,甚至 BL 劇,可以終生免費看!但係香港視頻?如 myTV Super 就睇唔到了。

    用 JOYTEL SIM:

    平過「數碼賓」!$80 任用 42M 速度數據!評測 Joytel 是否上網神卡

    用 CMHK 普通上台 SIM
    平過「數碼賓」!$80 任用 42M 速度數據!評測 Joytel 是否上網神卡

    003:呢張 SIM 雖然寫住支持 Tethering,但供應商表明,只能用手機 share Wi-Fi,不能放入 Wi-Fi 蛋用。

    004:SIM 卡背寫住:「雙卡手機需放在卡槽 1 且卡槽 2 不能放卡」,事實上版主我係試用後先留意到呢句,我係用 iPhone XR,有雙卡,我放咗落卡槽 2,而且卡槽 1 都有放卡,似乎都沒有太大問題,影響不大。
     

    JOYTEL 30 日真無限 SIM 版主實測

    版主一買咗張 SIM 返嚟,第一時間就跑一次 Speedtest 先,而頭先提到深水埗速度可能會較慢,不過下載速度都有 18.1Mbps,而上傳速度則有 15.6Mbps。另外可以見到,佢係用「Chunghwa Telecom」,即台灣嘅中華電信。

    平過「數碼賓」!$80 任用 42M 速度數據!評測 Joytel 是否上網神卡 平過「數碼賓」!$80 任用 42M 速度數據!評測 Joytel 是否上網神卡

    奇怪的是,版主之後用 iPhone XR,除咗一開波跑到 18Mbps 下載速度,之後夜晚 10 點左右由深水埗到尖沙咀,再由尖沙咀到大埔,都感覺速度上唔到去咁,超過唔到 6Mbps。而店主卻一直出到 15-20Mbps 的結果。最後版主換了手上的 HTC U12+ 再測試,則去到 16 Mbps 左右。是 iPhone XR 的問題嗎?原因不明。

    當然,網速呢樣嘢係畀人參考,版主實際使用上,就算睇有線新聞台都相當流暢(補充一點:有線新聞台App睇唔到,我睇嘅係 UTV 入面個有線新聞台),沒有大問題。即使播了通宵片用了約 20GB 數據,網速都有 1X Mbps,$80 換來無限 1X Mbps,都係抵吧?你覺得呢?

    最後補充多少少嘢,呢張卡另外還有 7 日以及 15 日的選擇,深水埗賣價分別為 $40 以及 $60,同樣是真無限上網,如果只係為一用即棄,短期使用,呢張 SIM 都不失為一個好選擇~你又點睇呢?

    查詢:Data King
     

    最抵 PrePaid SIM 儲值卡天書

    CMHK Kabayan 卡巴仁新玩法!$55 高速 4G 無限上網
    又係 CMHK Kabayan! 上網 Plan 又減價,最平 $45 4G 無限上網
    玩盡 csl Hemat! 版主教你 $78 30GB 4G 高速無限上網
    儲值卡啟動網絡商大戰!csl. 改 15GB FUP 上限!Hemat $88 無限上網

    立即加入Facebook 專頁,新聞/消息/優惠,最快知。

    01樓 ▲TOP 回列表頁