自由鳥遨遊 SIM 推暑期優惠:日本、台灣數據日費 限時買五日送一日

左定坤 (Cho Ting Kwan) 2019-08-01 19:36 | 數碼通
每年七、八月,理論上是一眾學生最愛的日子,因為有得放暑假。雖然今年大家都好唔得閒,不過點都會抽少少時間離港旅行 Relax 一下。而離開香港,當然需要一張數據卡,用開自由鳥遨遊 SIM 的,就簡單在 App 上買數據,搞掂。適逢暑假,自由鳥推限時優惠,亞洲區數據買 5 日送 1 日,抵嗎?看下文吧!

FB.jpg

用自由鳥遨遊 SIM 好處是,簡單易用,兼有得追加即日數據。而即日起至 8 月 31 日,只要在 Birdie Travel App 買外遊日費滿 $90 或以上,輸入期間限定優惠碼「HOTLALA」,就可以享「即減 $15」。如果你是去亞洲地區如日本、台灣,原本係 $15 一日,買六日就夠資格回水 $15,換句話說就等於買五日送一日,$75 有六日無限數據 (每日 500MB,其後 128kbps),平均約 $12.5 / 日,用唔盡六日,可以留返下次用,有效期長達一年。講貴,又不是貴的。

自由鳥遨遊SIM「夏日熱辣辣」優惠.jpg

不過,如果與版主 Keith 之前介紹過中國聯通的 CUniq Go 相比,也許 CUniq Go 會更平,就以去日本為例,CUniq Go 數據都只是 $10 / 日,一樣是每日 500MB,其後 128kbps。但自由鳥都是有優點,就是限了速後,可以加錢提速,CUniq Go 則不能,要待香港時間零時才重新計算。畀你揀,你又會揀自由鳥,抑或是中國聯通呢?
 

最新新聞