無合約手機台比拼 自由鳥挑機兩大對手!贏了!

管理員 2019-12-19 16:35 | 數碼通
越來越多人用手機台會揀唔駛簽合約,自自由由嘅網絡商。香港最出名嘅有三間,包括「自由鳥」、「俱樂部 SIM」仲有「毛卡」。到底邊間最好?今次等筆者從幾個方面著手話你知啦!

eprice_birdie_banner02.jpg


無合約手機台係好方便

老老豆豆,帶 Number 轉手機台係好麻煩㗎。雖然有網絡商俾你網上申請,但最後一樣都要有 Sales 揾你,約你出來簽約兼核對身份證。無合約嘅手機台,好處係可以上網攪晒登記,唔駛去門市攪上台手續。無論你坐緊巴士,定係瞓喺屋企梳化,上網都攪到轉台手續,好方便。

無合約手機台大比拼

而無合約嘅好處,就係自自由由啦!先唔講你可以隨時走人,你用用下,覺得自己原來月月用得好多 Data,可以隨時下個月轉高用量 Plan。預計下個月出 Trip 好長日子,又可以轉返個低用量 Plan !靈活到震啦,係咪先。而其中有一啲無合約手機台,可以直接購買旅遊數據 Pass,唔洗換SIM卡, 逐日計, 啱晒唔同嘅旅程需要,無論你喺香港定係外遊,都一樣可以上網啦!問題來了,三個香港最出名嘅無合約台,係咪呢 D 優點都有先?睇下表!
 
  自由鳥 俱樂部 SIM 毛卡
4GB - 5GB月費 $90 (5GB) $88 (4GB) $68 (2GB + 20GB 社交 App 數據)
月費選擇 4 個 4 個 1 個
學生 Plan
上網申請 可以 可以 可以
領取 SIM 卡方式 郵寄 + 即時於 OK 便利店 / 759 阿信屋取 SIM 只限郵寄 只限郵寄
攜號轉台 可以 要先買 SIM 再申請 可以
漫遊日費最平價 $15 / 日 $15 / 日 $40 / 日
同台數據互相分享 可以 不可以 不可以
玩手機遊戲賺 Data 可以 不可以 不可以

自由鳥玩法多多

睇完上表,就知道自由鳥月費計劃多,開台又容易,轉 Plan 又方便。其實,自由鳥仲有幾樣其餘兩個無合約手機台都無嘅玩法。

001: 上網登記完自由鳥本地服務後, 你可以落去759 阿信屋或 OK 便利店即時拎到 SIM卡, 超過 450 個領取點,唔駛等張SIM卡寄番屋企,夠晒快。

002:  自由鳥嘅本地上網數據係可以同台 P2P,即係點?若你當月有數據用唔晒,是可以「射」畀你用緊自由鳥嘅朋友,少則 500MB,多則留番幾十GB 用都可以。當然,有供都有求,你唔夠用,都可以問朋友「射」畀你。

003:自由鳥嘅學生 Plan 每月數據比普通 Plan 多,仲有貓頭鷹時間(每晚1-6am) 任用。我知道後生仔精力係好旺盛嘅,夜瞓睇片、打機都唔怕用晒 D data 啦。

004:自由鳥雖然無門市,但有乜問題都可以喺 Facebook 同手機 App 或電郵搵客服幫你解答!

005:自由鳥最出名嘅活動:Birdie Friday,指定星期五嘅中午十二點,Birdie 都會有 Jetso 送畀客仔。喺過往一年,佢哋同咗唔同商戶合作,而規模更加係越來越大!由小食茶飲如:媽咪雞蛋仔、三多炸髀、賞茶、東喜茶;至近日嘅雀巢奶茶雪糕、KITKAT 朱古力、麥當勞麥炸雞等,越來越豐富!只要喺指定時間登入手機 App 就可以搶到。除此之外,留意 Birdie Mobile 嗰 App,每用幾個月就會送數據、外遊日費畀你。真係越用越開心㗎!

螢幕截圖 2019-12-19 下午4.54.37.png

birdie.jpg
▲ 自由鳥有專用手機 App,Download 咗之後,就可以登記上台,揀計劃。之後仲可以用來 Check 自己 Data 用量,仲可以用來加購數據。

自由鳥玩遊戲收 Data

自由鳥客戶,仲可以透過玩 《種GB的自由鳥》嘅手機 Game,贏取流動數據。呢個 Game 仲得到 Google Play「香港 2019 年度最佳遊戲排行榜」選為「最佳獨立製作遊戲」㗎。《種GB的自由鳥》係一個農場手機 Game,透過收割農作物、完成環球訂單、育成專才,升呢同賺金幣。遊戲金幣仲可以換成流動數據!就算係未上台,都可以 Download 隻 Game 玩住先,上台之後即時有多 D Data 用。

2020 年送月費,送外遊 Data

睇完之後,係咪好想立即轉台呢?仲諗緊?睇埋以下嘅 2020 年度推廣,包你立即想轉台!

優惠1: 本地上台​
由即日至 2020 年 11 月 30 日,自由鳥舉行「Visa 好賞上台優惠」:新登記 $90 / 5GB 本地計劃時,輸入優惠碼「Visatue」,並以 Visa 卡付款及以自動轉賬交月費,即可享首月月費半價優惠,再喺第二個月至第四個月額外送多共 5GB 數據畀你! 

即上台,按呢度就得啦 

優惠2: 外遊數據
同樣由即日至 2020 年 11 月 30 日,有「Visa 陪你慳住快閃」優惠,只要用 Visa 卡購買「亞洲 12 地」外遊日費滿 $60,輸入優惠碼「Visa20」,全單即減$20!呢個優惠,通用喺亞洲熱門日韓台泰等目的地,無論係自由鳥上台客戶、或者只係買旅遊 SIM 卡都可享呢個優惠, 每月優惠名額有限,先換先得,額滿即止㗎!

birdie02.jpg

即買自由鳥遨遊SIM,按呢度 

資料由客戶提供

最新新聞