主題:數碼通 x 大欖隧道 5G Cam 捉失魂行山客

ePrice HK
  • 發表時間:2021-01-20 23:20
    大家想起 5G,可能只係想起上網係咪快過 4G。但一直都話,5G 配合其他先進技術,係可以改善到唔少生活或者係工序。好似今日,數碼通正式公佈佢哋同大欖隧道,採用咗 5G 技術,用 5G 連接嘅 Cam,去捉失魂行山客。到底係乜嘢一回事呢?

    數碼通 x 大欖隧道 5G Cam 捉失魂行山客

    若果大家去過新界西,尤其坐巴士或者私家車入錦田、元朗、天水圍等,都可能經過大欖隧道。而大欖隧道其實係三號幹線郊野公園段。叫得做郊野公園,就會有唔少行山人士經過。據大欖隧道負責人表示,每年都有唔少人誤入大欖隧道禁區。以前用傳統閉路電視,加人嘅肉眼去芒住,一時睇漏眼,一啲都唔出奇。

    大欖隧道因此跟數碼通合作,利用 5G 技術再加入 AI 適別,做咗套監察系統出嚟,專門捉失魂行山客,以下我哋用圖片說明。

    數碼通 x 大欖隧道 5G Cam 捉失魂行山客
    ▲ 大欖隧道附近其實係郊野公園,耐不耐就會有人誤入大欖隧道行車範圍,好危險。所以大欖隧道公司跟數碼通合作,係隧道出入口及路線,安裝咗十六個監察 Camera。以數碼通嘅 5G 網絡連線好處係,呢啲 Cam 其實要做到 4K 效果先至有作用,而 5G 嘅高速上網就絕方便傳送 4K 影像,加上唔駛接線,安裝都快好多。

    數碼通 x 大欖隧道 5G Cam 捉失魂行山客
    ▲ 其中出九龍入口就安裝咗兩支。

    數碼通 x 大欖隧道 5G Cam 捉失魂行山客
    ▲ 附近真係有樓梯直達隧道口,若有行山人士誤入,真係好危險。

    數碼通 x 大欖隧道 5G Cam 捉失魂行山客
    ▲  16 支 Cam 嘅影像同時傳送至控制室。



    數碼通 x 大欖隧道 5G Cam 捉失魂行山客
    ▲  呢個 Cam 方安,另一個重點係有 AI 識別功能,只要進入監控範圍。控制室會立即收到警告。而 AI 識別系統更會立即拍下前後共十五秒影像,方便追蹤當時人。


    數碼通 x 大欖隧道 5G Cam 捉失魂行山客
    ▲ 以往這類型監察只會用上傳統低清嘅閉路電視,更沒有警佈,全部要靠當值職員用金晴火去留意,出錢機會高。

    據知,安裝此套 5G Cam 系統後,檢查誤闖進入人士都多咗,可見 5G 技術,其實係唔同領域,都可以有更大嘅發展。
     
    多謝支持 ePrice.HK

    立即加入Facebook 專頁,新聞/消息/優惠,最快知。

    01樓 ▲TOP 回列表頁