梗有一間喺你左近！教你去 7-11 便利店「免費」拎 5 天日本、韓國等亞洲 12 地外遊數據卡

左定坤 (Cho Ting Kwan) 2022-12-19 21:06 | 數碼通

被困香港接近 3 年，而家有機會去旅行，喺呢個 moment，香港人要爆喇！有得飛，當然盡情飛！所以外遊數據卡，終於要復活喇！除咗網絡商有推出相關嘅上台優惠，例如中國聯通上台送高達 24 日數據，而家只要去梗有一間喺你左近嘅 7-11 便利店，就可以「免費」拎 5 天日本、韓國等亞洲 12 地外遊數據卡！即刻教你！

買 $60 外遊數據 SIM 送戶戶送禮品卡

說的是自由鳥遨遊 SIM，日前正式登陸 7-11 便利店，由即日起至 2023 年 1 月 31 日，只要到 7-11 便利店購買自由鳥旅行數據卡，就可以享有期間限定 8 折優惠，即係 $60 就有一張，可享 5 天的日本、韓國、台灣等亞洲 12 地外遊數據，平均每日 $12，更送 $60 戶戶送禮品卡。

變相即係，你用 $60 買張 SIM，送你 $60 戶戶送，扣除優惠即係「免費」帶走呢張自由鳥外遊數據卡，數量有限，送完即止。如果你附近經過 7-11，會唔會入去買返張呢？