期間限定! $3x 玩到 30GB Smartone 4G 全速上網!

ManHungTech 2023-01-26 19:50 | 數碼通
ValueGb 30GB.jpg

講起每個月幾十蚊有幾十GB 4G 流動數據,3hk 的 SoSIM 一定係最佳代表,csl. 都有 Club SIM 應戰,中國移動香港就有 MySIM,基本上足以應付大部分日常用途,做主卡、副卡一樣合適。就算儲值卡市場競爭非常激烈,不過 Smartone 似乎遲遲未有跟進推出類似產品。

有見及此,今日同大家分享一個期間限定的玩法,一個月只需三十幾蚊,就可以用到 30GB Smartone 網絡 4G 全速上網,再加一年數據、通話分鐘 (不支援 VOLTE)、來電轉接、留言信箱,聽落都知道非常抵玩,難得一遇的機會用呢個價錢玩到 Smartone 4G 全速上網。

VGB_RNR_30GB_banner_v1_tc.jpg

話說使用 Smartone 網絡的 ValueGB 激儲值卡最近推出2023新年大激賞,實際上就係實名登記獎勵,鼓勵仲未實名的用家盡快實名。今年2月23日或之前成功實名登記 ValueGB 年卡,就會係七個工作日內存入為期30日的 30GB 獎勵數據,一樣係 4G 全速上網。現有用家當然可以參加並享受 30GB 獎勵數據,至於之前已經完成實名的用家無法參與是次獎勵推廣,估唔到越遲登記越著數。

跟住 Man 會分享點樣用最低成本買一張全新 ValueGB 年卡,再利用上述實名推廣,做到三十幾蚊成本玩到30日 30GB 數據、全年 5GB 數據。

首先,購買一張全新 ValueGB 5G 年卡 (價錢最低的 ValueGB 年卡),面值$98,不過坊間售價大約三十幾蚊左右,亦都有店舖賣$40以上,所以要靠大家自行格價。入手,記得係2月23日前啟動儲值卡及完成實名手續,之後開住電話等待 SMS 通知,注意收到 SMS 前都仲未可以用 30GB 獎賞數據,所有用量會直接從 5GB 全年數據扣除。

幾個工作日之後,就會收到 SMS 通知系統已經存入 30GB,由收到 SMS 當日計算30日使用期。呢個時候正式開啟數據上網功能,但係記得30日後剩餘數據不可延續。

最後,同大家總結一次,俾三十幾蚊買新卡,就有30日 30GB 獎勵數據,另加全年 5GB 數據、2000分鐘本地通話、來電轉接、留言信箱。第一個月食實名獎勵 chur 數據,之後當輕量後備卡慢慢用 5GB 數據同2000分鐘。最重要的係,呢個玩法係期間限定,一定要係2023年2月23日或之前完成實名先可以獲得 30GB 獎勵數據啊。

另外好歡迎大家收聽錄音節目:

最新新聞