自由鳥限時優惠！平均月費低至 $114 享高速無限數據
首先講咗呢篇文章嘅主菜先，講嘅係自由鳥，推出限時大特賣，只要以 $798 嘅價錢，預付頭 7 個月月費，就可以每月享有首 60GB 4.5G 42Mbps 數據，其後可以繼續以 21Mbps 速度，享有高速無限數據，計返上嚟平均每月月費為 $114。雖然速度都係會有所降低，但 21Mbps 呢個速度，又滿足到我嘅需要，基本上無論你上網、睇片、聽歌定打機，都好夠用。咁過咗 7 個月之後，又點計呢？由第 8 個月開始，你可以永遠續享 6 折月費，即係每月 $148 嘅價錢，用到本來原價 $250 / 月嘅 Plan，就算 $148，都算係合理價，最重要係，自由鳥其實基本上唔使簽約，你中意隨時停都得，仲可以每晚 1-6am 享有高速數據任用，另包全套 VAS 服務，即係包括留言信箱、來電顯示、轉駁、待接以及電話會議，而且有無限通話分鐘，你又對呢個 Plan 有無興趣呢？
按這裡立即登記
比較起其他同類型 42Mbps 高速無限上網 Plan，自由鳥係咪抵？
001：中國移動香港 CMHK
首先講下中國移動香港 CMHK，根據網站嘅資料顯示，CMHK「移動 42」4G 服務計劃，月費 $120，簽約 24 個月，攜號轉台免 $18 行政費，就可以享有真無限 42Mbps 無限上網，唔係好似自由鳥咁，有限到幾多 GB 之後限速至 21Mbps，當然，你要用哂自由鳥 60GB 42Mbps 數據都唔容易，有啲網絡商就算畀到 42Mbps 你，都未必用得盡呢個速度。
雖然唔限速，但有 2 點不及自由鳥：第一，要簽約 2 年，中途唔可以隨時走；第二，通話時間有限 3000 分鐘，而唔係自由鳥嘅無限通話分鐘。至於呢兩個點係咪重要，就視乎你個人需要了。
按下圖可以放大看詳情：
002：SmarTone
雖然自由鳥都係出自 SmarTone，係親生仔，不過都同大家比較下 SmarTone 本身自己嘅無限 42Mbps 數據 Plan，月費同 CMHK 一樣都係 $120，無得免 $18 行政費，但簽約期就短啲，12 個月就得，而且佢係包 17GB，17GB 之後雖然都係可以繼續以 42Mbps 速度上網，但就優先次序會有下調。同「阿仔」自由鳥一樣，SmarTone 自己本身都係包無限通話分鐘。
按下圖可以放大看詳情：
003：HKBN
HKBN 其實有兩個 Plan 定位有啲相似，但我呢度主要想講嘅，係全速 Plan。同以上分享過嘅三間網絡商唔同，HKBN 4.5G 全速 Plan 月費只需 $118，簽約 24 個月，可享 7GB 全速數據，攜號轉台送額外 13GB 本地數據以及免行政費。點解拎呢個全速 Plan，去同其他 42Mbps Plan 去做比較呢？咁係因為，本身 7GB 全速就唔係好多，重點係呢個 Plan 7GB 之後，仲可以繼續以 42Mbps 速度無限任用數據，咁同其他網絡商無限 42Mbps 相近，有全速反而係一個 Bonus。
比較好笑嘅地方，你話 HKBN 係咪無無限 42Mbps Plan 呢？又唔係喎，但月費要 $138，而且得 5GB，5GB 之後優先次序會有所調整，咁價錢比全速 Plan 仲要貴，又點解要揀呢個 Plan 呢？
按下圖可以放大看詳情：
