▲而家先達有大把 Nokia X3 賣，門口價更低到 $1,280。
早幾日 Keith 版主報道了 Nokia X3 水貨上市，有版友嫌 $1,788 個價太貴，話買 5230 好過，但如果跌到 $1,280 又點睇呢？
X3 到了先達唔夠兩個星期，開開只得幾間舖賣，但唔使幾日就開始水浸。多人爭生意，個價緊係愈鬥愈低，$1,580、$1,480、$1,380 咁跌，到呢兩日更有舖頭在門口標價 $1,280。搞到咁，睇得出 X3 真係唔多好賣，但而家入手都算幾抵，話晒平過 5230 水貨啦！不過買機時要提防飛機價呀，記住問清楚係中文機定英文機，埋單真係 $1,280 先好買。
▲X3 剛剛到港時只有紅色，但現在已有齊紅、藍兩色。