黑莓 Android 旗艦殺手? 外國爆料:Venice 確認要來了!
其實早前都有同大家分享過一部代號叫做 Venice 既黑莓手機,一直受到大眾關注及期待。皆因佢將有可能成為黑莓手機歷史上第一部 Android 手機,重點係會保留黑莓公司標誌性的實體鍵盤設計! 外國爆料達人 Evan Blass @evleaks 就話,呢部機將會登錄美國網絡商 T-Mobile,並且係年底前可以買得到!
根據一直流傳的資料顯示,代號 Venice 的黑莓手機配備 5.4 吋 2K 屏幕,採用 S808 處理器配合 3GB RAM,以及 1800 萬像素光學防震鏡頭。
最特別的是屏幕採用類似三星 S6 Edge 曲側面設計,並好大機會加入滑蓋式實體鍵盤設計!
如果搭載 Android 系統的黑莓手機,網友們又有沒有興趣呢? 加入實體鍵盤的 Venice 又能否對其他 Android 旗艦構成威脅呢? 一齊討論下啦!
來源:TalkAndroid、CrackBerry