Pixel XL 級數相機 + 實體鍵盤!黑莓手機三千有找,好過買親生仔?

左定坤 (Cho Ting Kwan) 2017-02-26 16:58 | Blackberry
今日凌晨時份在 MWC2017 大展上發表的 BlackBerry KEYone,雖然規格上來說並不是特別高階,但整體而言還是相當吸引,仲要用上親生仔 Google Pixel XL 的感光元件,呢方面堅係幾正,不知各位網友又認唔認同呢? 可惜的是,今日的 BlackBerry 已經不是昔日的 BlackBerry,而係由 TCL 代工生產,雖然對我來說又無乜大所謂,但不少網友唔係咁諗。如果係一部真正 BlackBerry 生產的手機,只需二千幾蚊就可以入手,你又覺得會唔會抵玩過親生仔呢?睇下文啦!

Blackberry (Facebook).jpg

黑莓 KEYone 有 Pixel XL 級數相機 + 實體鍵盤好吸引?上代 PRIV 會更抵玩?

BlackBerry KEYone 個樣又確實係幾靚嘅,而且最令版主興奮的,係佢個實體鍵盤回歸,始終就算去到 2017,一部有實體鍵盤的手機,還是有佢嘅存在價值。規格中規中矩,3505mAh 電池配合 S625 U,應該會相當慳電,最正嘅係,用上 Google Pixel XL 相同嘅 IMX378 感光元件,令手機鏡頭不再是 BlackBerry 手機的缺點,確實比較值得慶賀。不過,KEYone 屏幕只有 4.5 吋,對於大芒控網友來說,呢樣可說是一個致命的缺點。如果想搵番部大芒而又有實體鍵盤的手機,相信現階段只有 BlackBerry PRIV 可以做到,而家只係賣緊二千幾,網友又有無興趣呢?

親生仔待遇 + Pixel XL 相機:黑莓 KeyOne Android 機登場!
▲ BlackBerry KEYone 最快四月就會有售,價錢計番港紙大約四千三左右,呢個價版主覺得,都算係幾合理。

priv.jpg
▲ 其實上代 PRIV 個樣都算靚靚仔仔,而且個芒又夠大,又有實體鍵盤,仲要係 BlackBerry 自家生產,係幾唔錯嘅!問題來了,之前試過個 Keyboard 位置好似唔係好穩陣,好容易出事,但價錢而家愈賣愈平,雖然大舖仲係賣緊 $5288,細舖價都要 $3700 左右,不過水貨價見到最平只需 $2680 左右,又會唔會比起 KEYone 更抵玩呢?

google pixel xl.jpg
▲ 至於 Google Pixel XL,雖然影相講到天下無敵,而且用上旗艦 S821 U,不過一黎而家都仲未抵港,二黎睇水貨價都非常貴,唔好講 128GB,就算講 32GB 都要成差不多 $7000。家陣 BlackBerry KEYone 都係用同一粒 IMX 378 感光元件,講緊嘅都係大約四千幾蚊左右,又會唔會更值得入手呢?而同樣有實體鍵盤的上代 PRIV,又會唔會考慮?

ePrice.HK 手機比拼系統

比拼.jpg
▲ 按上圖或按這裡,可以詳細比較一下,到底三部機有啲乜嘢唔同,好讓網友能夠判斷,邊部會相對更抵玩,更值得入手。

BlackBerry PRIV 在文章發表時,大舖賣價為 $5288,按這裡有詳細規格及最新賣價
BlackBerry KEYone 在文章發表時,香港上市日期未定,按這裡有詳細規格及最新賣價
Google Pixel XL (32GB) 在文章發表時,香港上市日期未定,按這裡有詳細規格及最新賣價
Google Pixel XL (128GB) 在文章發表時,香港上市日期未定,按這裡有詳細規格及最新賣價

最新新聞