主題:【熱話齊傾】BlackBerry 用 Z10 博反彈! 你會唔會入手?

ePrice HK
  • 發表時間:2013-04-11 15:54 收錄檢舉
    2013年首季,好像只有 Sony Xperia Z 一部機可以橫行天下,無論 HTC One 或是 Galaxy S4,都係見得多,買不到。但網友又沒有發覺,BlackBerry Z10 都在各大網絡商大力推廣呢? 到底 BlackBerry Z10 有乜賣點,真係咁值得推薦嗎? 不如由版主 Keith 跟大家分享一下。大家亦可以講下,你會唔會試試這部新手機呢?


    ▲ BlackBerry Z10 已在各大網絡商及電器店有售

    【熱話齊傾】BlackBerry 用 Z10 博反彈! 你會唔會入手?-0
    ▲ 在 4 月 11 日,BlackBerry 在香港開了大型發佈會,宣佈 Z10 開售,還請來 BB 死忠陳豪作嘉賓!

    BlackBerry 10 新收費模式
    未談 BlackBerry Z10 本身,一定要講 Z10 背後的策新: BlackBerry 10 系統。這系統的功能、介面,稍後再談,但最值得討論是,買 Z10 的,將不會再使用 BlackBerry 的指定計劃,是用回一般的數據計劃。版主自己也用過 BlackBerry 手機,但最後因為 BlackBerry 月費計劃跟真正無限上網計劃收費有差距及把 SIM 卡轉去其他手機,上網要用另一套收費,而最後也打消不用。而 BlackBerry Z10,可算是打破這個困局。

    【熱話齊傾】BlackBerry 用 Z10 博反彈! 你會唔會入手?-1
    ▲ BB10 其中一個功能 : BlackBerry Hub,是把社交網絡與訊息混合一起,方便用家隨時查詢。

    使用 BlackBerry 10 的 Z10 可以使用普通數據計劃,最主要因為 BlackBerry 取消了數據壓縮伺服器,應用在 Z10 上。版主跟熟悉 BlackBerry 的銷售人員傾過,雖然以前 BlackBerry 月費收費看似比較貴,但其實最大賣點是數據經過壓縮,Email 收得快,亦傳輸量好低,尤其 BlackBerry 用家以商務為主,漫遊數據費,可以好貴,用數據壓縮收 eMail 用家及網絡商都有數得計,令好多公司商務計劃,不是天價。但 Z10 比起以前 BlackBerry 手機,上網包括電郵數據量有差不多接近10倍的增幅,用家可以要用漫遊數據日費計劃,計上來不很划算,不少公司在煩惱是否延續這服務,數據收費沒著數,Android、iOS 平台可能更多選擇。

    【熱話齊傾】BlackBerry 用 Z10 博反彈! 你會唔會入手?-2
    ▲ 六大網絡商,都支持 BlackBerry 10 推出,有些還有零機價。

    Z10 機價唔平
    而 BlackBerry Z10 本身定位為高檔手機,單機價 $5988,比未開售但傳言的 Samsung GS4 及 HTC One 售價都要貴。雖然網絡商有零機價優惠,以 3 香港為例,其實都要預繳 $4698,貴過 Galaxy Note II LTE,而選擇的月費計劃,也是一樣,可見面對的對手會很多。

    【熱話齊傾】BlackBerry 用 Z10 博反彈! 你會唔會入手?-3
    ▲ 其中 PCCW Mobile 提供零機價上台計劃,月費 $398 有 5GB 用量及無限通話分鐘,及三日漫遊通行証。.    簽訂指定固定期服務計劃上台並適用於指定商業客戶,可獲「外遊配件套裝」(價值高達港幣1,300元),包括 Wi-Fi router、HDMI 連接線、原廠電池及 32GB microSD記憶卡。其他客戶簽訂指定固定期服務計劃上台,可獲輕巧版「外遊配件套裝」(價值高達港幣800元), 包括Wi-Fi router及HDMI連接線。先到先得,送完即止。

    BlackBerry Z10 手機外型評
    BlackBerry 「重新設計」、「重新打造」、「重新發明」來形容 BlackBerry 10 系統及 Z10 手機,以機來說,跟 HTC One 與 GS4 不太相同。HTC One 用全金屬設計,感覺好 Solid,Galaxy S4 的聚碳酸脂,亦係塑膠物料中,比較好的一種。版主第一眼看 Z10,之前有多人說跟 HTC One 好似,但跟本係:兩個 Feel。Z10 以塑膠機身,但又不是聚碳酸脂,感覺帶有一點玩具 Feel,幸好造工紮實,機背用上有防滑設計,跟 BlackBerry 手機實正的形像,好配合。版主認為,白色版本比較好看,只是拍上其他以設計為賣點的手機,會差一點點。

    【熱話齊傾】BlackBerry 用 Z10 博反彈! 你會唔會入手?-4【熱話齊傾】BlackBerry 用 Z10 博反彈! 你會唔會入手?-5
    BlackBerry Z10 有黑白兩色選擇

    BlackBerry 10 系統試玩
    BlackBerry Z10 硬件不差的,配置 1.5 GHz 雙核心處理器及 2GB RAM、內置 16GB 記憶容量及一個支援可擴充記憶卡的插糟。Z10 具有 micro HDMI 輸出埠作簡報顯示用途,也支援 NFC。香港版亦用到 4G LTE 網絡。屏幕是 4.2 吋 1280 x 720 (HD) 解像度,有八百萬像素,自動對焦鏡頭。當然,BlackBerry 10 系統才是主角。BlackBerry 比 iPhone 走得更前,因為連一個 Virtual 鍵盤都無,Google 都要寫個服字俾佢。無掣,操控就要攪上下 Flick 及左右撥。BlackBerry 介面叫 Flow,用手指左撥右撥,就能在 Apps 之間穿梭。BlackBerry Hub 整合 Facebook、Email 等訊息與社交網絡的介面,一個頁面睇晒!怎樣操控,很難用文字寫出來,文章初段有短片示範,大家睇了會明!版主用過,的確你要少少時間去學 BlackBerry Z10 介面,我感覺就像第一次用 Windows Phone,我估十分鐘左右,大家就會著掌握得到。BlackBerry 10 支援真正多工作業,運起上來,都好順手的。

    【熱話齊傾】BlackBerry 用 Z10 博反彈! 你會唔會入手?-6【熱話齊傾】BlackBerry 用 Z10 博反彈! 你會唔會入手?-7【熱話齊傾】BlackBerry 用 Z10 博反彈! 你會唔會入手?-8

    Apps 十萬個
    智能手機平台受歡迎與否,Apps 的多寡,有一定作用,除了原生給予 BlackBerry 10  的程式語言,BlackBerry 10 為 Android 開發者而設的 Android for BB10 SDK,幾個 Step 就可以把 Android apps 轉為 BlackBerry Apps。而 BlackBerry 亦跟 Nokia 早期為 Symbian 開發的 Web Kit,任何人都可以利用 RSS 技術,製作 BlackBerry Apps,大家記得 Symbian 手機年代,ePrice.HK 也有 Symbian Apps ! ,我們也會考慮製作 BlackBerry 版本呢!

    版主評: 機價有點貴
    版主 Keith 認為,BlackBerry 10 系統是先進,好用。上手唔難。Apps 方面,官方說有十萬 Apps,但似乎也未成為主流。Z10 手機本身值唔值淨機價接近六千?大家點睇?好采有網絡商補貼,有月費回贈。

    熱話討論
    1) 網友覺得 BlackBerry Z10 有力跟 iPhone、一眾 Android 及 Windows Phone 手機爭市場份額嗎?
    2) 六大網絡商也提供零機價,大家有無興趣入手?

    齊齊以會員回文或 Facebook 回應吧!
    多謝支持 ePrice.HK

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • BlackBerry Z10
    • 現時售價: 已下市
    • 尺寸: 130 x 65.6 x 9 mm / 135.4 g
    • 電池: 1800 mAh
    • 插卡: microSD
    • 螢幕: 1280 x 768、 4.2 吋 TFT
    • 相機: 800 萬像素CMOS
    • 顏色: 黑/白
    • 時間: 通話 600 分鐘 / 待機 312 小時
    • 上市: 2013-04-11
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • microSD 記憶卡
      • 無 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔
    熱門討論▼
  • 發表時間:2013-04-11 21:11 檢舉
    機價唔係有D貴,係好鬼貴,差唔多CONFIG嘅XPERIA V都係三千幾,佢夠膽死賣到6K咁滯,佢其他嘢真係值2K?真係想翻身?拜托你D高層“SIP”高枕頭諗清楚吧。
    02樓 ▲TOP 回列表頁
  • 發表時間:2013-04-11 22:57 檢舉
    死肥仔說:
    機價唔係有D貴,係好鬼貴,差唔多CONFIG嘅XPERIA V都係三千幾,佢夠膽... 恕刪
    雖然淨機價係貴,但今次 BlackBerry 傾到六大網絡商都肯同佢地賣機,都好強了。現在,唔係個個手機廠咁有本事。我看過,大部份都有零機價上台計劃,Offer 跟其他大 Brand 重點型號無分別,部份網絡商贈品都好強。

    事實上,香港用家買手機,主力也是幫親網絡商,尤其零機價,月費變相平一點。我相信係呢個因素下,Z10 應該比以前 BlackBerry 機好賣一點。但 Hit 唔 Hit 得起,好快就知,係街多唔多人用,一望就知啦,iconiconicon
    多謝支持 ePrice.HK
    03樓 ▲TOP 回列表頁
  • 發表時間:2013-04-11 23:18 檢舉
    😰仲慢過iphone5...唔值
    04樓 ▲TOP 回列表頁
  • 發表時間:2013-04-11 23:30 檢舉
    Keith說:
    2013年首季,好像只有 Sony Xperia Z 一部機可以橫行天下,無論 ... 恕刪
    終於有Z10既新聞勒
    我用緊Blackberry 9900, 仲係BES添, 首先佢出呢部機有D 自殺感覺, 佢用得普通data plan咁你仲賣咁貴做乜? 冇可能會打得入市場或吸引到其它人轉會, 佢半價賣的話我相信會有人轉會,

    第二, 0係香港賣得連香港人識既中文輸入法都冇, 筆劃倉頡速成唔好講, 仲要只係得注音同手寫, 大佬呀, 用得呢D機你用手寫會唔會核突左D呢? "有人"話 2個月後有倉頡, 我2個月後比個官你做啦! 我部Playbook已經係例子啦, 出到而家都仲未打到中文, 係注音都冇呀, 初初又話有90日電話支援, 支援個屁啦, 90日都冇打中文既方法去到91日佢同你講, "腥山, 奶個訂話支持父霧過左........" Blackberry 出哂名 0 服務, 你想整機你拎去火星啦!

    第三, 個中文介面真係好核突, 雖然我唔用中文介面, 但類似細明體咁真係毫無興趣

    第四, 佢有冇諗過佢個Contact點入落去? Blackberry Contact 係超麻煩, First Name, Last Name, 公司名好多時會錯哂先後次序或者炒埋一碟, 明明你0係Outlook 諗住打好照Sync冇問題, 一去到部Blackberry 變哂次序. 諗住噤個display 係Last Name First Name 又會變左中文行頭, 真係頂佢.. 所以我唔用Outlook Sync 諗住用Google Sync同部機Sync Contact 最Perfect, 但可惜Google已經停左呢個服務 唉.... 所以要處理Blackberry 個Contact 會好麻煩, 至於想轉會見到個Contact 亂哂真係想打爛部機, 我用左幾部BB都唔同情況, 每次要執N個Contact會超級痛苦icon

    第五, 佢個話音質素仍然係差, 點解佢去到呢部咁智能既手機個通話質素都可以咁差架.. 唉

    仲有聲稱既十萬個Apps 舊機冇份.. 係OS 問題 呢個明白, 但我想講10萬個Apps入面點解我連Whatsapp, Google Map都唔可以直接0係Apps World入面搵到呢, 

    好果方便, 個GPS真係幾好, 都幾快Detect到, 不過問題係, 原本個map 我覺得美國加拿大可能會好D 勒, 香港就唔好講勒 Google Map Zoom In out 有問題, 仲會話個Fonts 大細唔岩, 每次都要答問題

    打字贏哂係Blackberry特點, 但唔係發生0係呢部機上, 始終冇實體鍵盤唔係一部Blackberry, 只係一部另一牌字既智能電話icon
    05樓 ▲TOP 回列表頁
  • 發表時間:2013-04-11 23:41 檢舉
    MaMa說:
    終於有Z10既新聞勒我用緊Blackberry 9900, 仲係BES添, 首先... 恕刪
    終於。。。。iconiconicon,咪因為版主 Keith 問題。你有心機聽番條短片內容,其實係二月拍的。話說那天版主 Eddie 去左英國睇 HTC One 發佈,總之我頂左個日採訪,但因為我又好忙,成篇文無出到,成批相 Hold 到今日先出,醜死。但我個試用感覺,在今天也是歷歷在目架! iconicon
    多謝支持 ePrice.HK
    06樓 ▲TOP 回列表頁
    • buk
    • 帳號:
    • 發文:228
    • 經驗:825
    發表時間:2013-04-12 09:00 檢舉
    死肥仔說:
    機價唔係有D貴,係好鬼貴,差唔多CONFIG嘅XPERIA V都係三千幾,佢夠膽... 恕刪

    價錢的確好鬼貴,但又唔好淨係用config埋數字來比較部機好定差(但我同意你的),而且大家OS又唔同,內涵係點確實用過先知
    而家既手機最重要係APPS,幸好既係APPS方面都唔會輸蝕太多,但如果一心諗住用黎番身之作,定價方面係咪要進取D來吸引人呢...?
    6千銀真係貴到有小小離譜,就算平多一千蚊,都係偏貴
    此文章已於 2013-04-12 09:03 重新編輯
    07樓 ▲TOP 回列表頁
  • 發表時間:2013-04-13 12:45 檢舉
    白色似The new HTC one
    08樓 ▲TOP 回列表頁
  • 發表時間:2013-04-25 09:43 檢舉
    其實部機有一定吸引力, 不過定價太高啦, 想試都唔捨得icon
    但我都相信bb呢個os都有幾分似android, 上手應該無問題~
    如果半年內跌到$4000左右就可以考慮下~~icon
    09樓 ▲TOP 回列表頁