百記、衛訊、豐澤 買手機送贈券 =「八折」促銷!邊間最抵?

Eddie 2014-07-28 17:23 | 網絡消息
網友如果有留意開版主 Eddie 既報價,都會發現到大鋪有時會做「照價再減」優惠,不過近期發現呢類優惠少左,可能因為手機官價減無可減吧?不過近日發現幾間大鋪都進行減價促銷,買手機夠 $5,000 送 $1,000 現金券;買夠 $3,000 送 $600 現金券,計到最盡係咪真係接近 「八折」咁抵?而大鋪用呢個方法係咪抵得過細鋪?今日就同你地計下!

//timgm.eprice.com.hk/hk/mobile/img/2014-07/28/178339/unrealandy_3_4247_28b7ef70654397b3418a96d92846f8df.jpg
▲幾間連鎖大鋪都做「買 $5,000 送 $1,000 ;買 $3,000 送 $600 的優惠」,究竟點買先最抵?

大鋪手機買 $5,000 送 $1,000 優惠券!條款各有不同 邊間最抵?

應該唔少網友留意到百老匯、豐澤、衛訊和蘇寧都做緊「現金券優惠」,買滿指定金額既手機就可以得到現金券,如果計到最盡買 $5,000 手機送 $1,000 現金券的話大概就是八折的優惠,不過當中又有冇咩細則同埋條款要留意呢?版主歸納過幾間大鋪有共同的原則:

買機優惠
1. 所有優惠不適用於 Apple 產品 ,換句話說買 iPhone /iPad 就不會有優惠券
2. 所謂 $5,000 手機是以單一手機計算,換句話說買 2 台 $2,500 的手機亦不會有 $1,000 的現金券
3. 用錢換購贈品不計算於「手機」價錢,例如用 $4,998 買手機再加 $100 換贈品,亦只能換 $600 現金券
4. 幾間大鋪的優惠都不適用於分期付款
5. 版主問過 Trade-in 的答案不一,同樣是衛訊,只有某個店員說可以 Trade-in 手機,不過計算優惠券是以手機「正價」計算,換句話說 $5,000 的手機即使 Trade-in 補幾多錢都是送 $1,000 現金券

優惠券條款
而實際上,幾間大鋪的優惠券條款略有不同,當中以豐澤最為彈性,因為贈券可以用於買任何產品(包括 Apple 產品),其次是百老匯,店員說除了手機以外所有產品都可以用(例如相機、家電),而衛訊就只能用於購買配件,變相彈性比較低,而蘇寧亦有做類似的優惠,版主在場內問的時侯店員說需要即時入手其他產品才可以做到 $1,000 的回贈,彈性是最低的,聽起來很複雜吧,版主亦製作了表格,大家可以參考一下:
 
大鋪 優惠 使用限制
百老匯 買 $5,000 或以上指定型號手機送 $1,000 現金券
買 $3,000 或以上指定型號手機送 $600 現金券
只適用於手機以外的產品,但必須要下一次購物(問過不可以購買 Apple 產品)
 
豐澤 買 $5,000 或以上指定型號手機送 $1,000 現金券
買 $3,000 或以上指定型號手機送 $600 現金券
可以用於任何產品 ,但必須要下一次購物(問過可以購買 Apple 產品)
衛訊 買 $6,000 或以上指定型號手機送 $1,200 現金券
買 $5,000 或以上指定型號手機送 $1,000 現金券
買 $3,000 或以上指定型號手機送 $600 現金券
只能用於配件(耳機、外置充電、保護套 ,不可以購買 Apple 產品
蘇寧 買 $5,000 或以上指定型號手機送 $1,000 現金券
買 $3,000 或以上指定型號手機送 $600 現金券
只能即時使用,需要即時購買另一樣產品進行折扣
▲以上是幾間大鋪的優惠比拼,大家可能留意到衛訊的買 $6,000 送 $1,200 優惠只適用於 Samsung Galaxy Golden icon,因為只有它價錢超過 $6,000

//timgm.eprice.com.hk/hk/mobile/img/2014-07/28/178339/unrealandy_3_4247_a18aa865c0b465582a23abe15daea77d.jpg
▲百老匯寫明這個優惠不可與信用卡優惠同時使用,而且贈品只能跟官方指定禮品和保護貼,勝在 $1,000/$600 的現金券可買任可產品

$1,000 優惠買咩手機?大鋪價 vs 場價邊個抵!

老實講,想買到剛剛好 $5,000 是相當困難的,還是計算一下旗艦手機用了這 $1,000 優惠之後是否划算吧?版主問過場內價錢,只有 HTC One (M8) 在減了 $1,000 之後是比場內價錢便宜,而其他機款都是與場內價錢相若。不過網友們都知道大鋪的保養是比較穩陣,例如 Sony 的保養講明要指定店鋪入手才有保養,係咪值得係細鋪買就真係見仁見智啦。
 
手機型號 大鋪價 - 優惠券 $1,000 細鋪「全新行貨」價
HTC One (M8) $4,598 $4,600 ~ $4,700
Sony Xperia Z2 $4,698 $4,500 ~ $4,600
Samsung Galaxy S5 $4,998 $4,400 ~ $4,600
LG G3 (32GB) $4,998 $4,900 ~ $5,000
▲大家留意到減去優惠券之後手機的價錢和場價差不多,而且大鋪的保養也是比較「穩陣」啊,單純數字去看, HTC One (M8) 在大鋪換 $1,000 優惠是比場內價錢便宜的

蘇寧暗價 $5,398 賣 LG G3 (32GB)!有冇方案比起現金券抵?

有網友可能會諗:「送現金券其實咪就係叫你買多樣野?」,其實版主都同意呢個概念,因為現金券並唔可以做到手機即減,衛訊甚至只能用作入手配件,相對起就冇咁方便。版主又要再提一直有做「暗價」既蘇寧,就以 LG G3 (32GB) 為例,佢地最新既「暗價」優惠賣 $5,398 ,比起官方價錢平 $600 ,可以使用信用卡分期,更有原裝後備電、記憶卡等贈品,與現金回贈相比是各有各優點。

經過版主既計算,其實有幾款手機都有另類既「抵玩」既入手方式,想知道邊幾部既話就繼續留意我們的報價啦。網友們又認為大鋪進行送現金券既優惠係唔係抵玩呢?大家又會唔會趁優惠未完去買一部呢?又有冇計數叻既網友計到最最最最抵既入手方式呢?留言同我地分享一下吧!

LG G3 大鋪暗價平幾百送電池!細鋪 $5,300 買到抵唔抵?
▲現時蘇寧 LG G3 (32GB) 做暗價 $5,398 ,比起場價貴 $500 ~ $600 左右,優點是可以免息分期

最新新聞