拋棄 Qualcomm ！新自家 Exynos CPU 比 S810 更快耗電更少？
有關 S6 規格的最新消息是由網站 BGR 同埋 Bloomberg 透露，內容大意就係 Samsung S6 將會用上 14nm 裝程 64 bit 八核 Exynos 處理器，同 Note 4 所用的 Exynos 7 octa 相似但可能會快近 50% 。而 14nm 製程就意味著新處理器係能夠提供更強效能之餘，更加會比 20 nm製程的高通 S810 具有更小體積與更低能耗的優勢。另外，新處理器亦支援 LTE Cat.9 ，使得可下載的最高速度一舉提昇至 450Mpbs 。2K 芒 ＋ 2000 萬像素相機，最大 128GB 容量
除左用上新一代的處理器之外，屏幕上 S6 都用上左 5.1 吋 QHD (2560 x 1440) Super AMOLED 以及康寧第 4 代玻璃。而相機就好有可能成為 S6 另一賣點，今次傳聞就指 S6 將會用上 2000 萬像素光學防震主相機搭配 500 萬像素 f/1.8 光圈前置鏡頭。係內置容量方面， Samsung 好有可能仿效 Apple 的風格，提供 32 / 64 / 128GB 三隻儲存容量比大家選擇，而係咪支援插卡就未知。電池方面傳聞 S6 只得 2550mAh 電池，但除左快速無線充電兩個功能之外，仲有充電 10 分鐘就可以用足 4 個鐘的快充功能。One More Thing 。。。Samsung Pay
最後要提的就係 Samsung 隨左可能會係 MWC 2015 發佈 S6 之外，仲有可能推出 Samsung Pay (果然 Apple 有的 Samsung 都唔會無。。。
）但詳情係點，香港又可唔可以用到？可能就要到 MWC 2015 先知道了。來源：BGR，Bloomberg