5G 在 5 年內面世！為 1Gbps 的網速做好準備未？
係 MWC2015 裡，關於 5G 有很激烈討論! 韓國 KT Telecom 要做全球第一個 5G 網絡！他們表示，係 2018 年平昌冬季奧運會開始試行 5G 網絡。跟隨南韓，會係日本及美國。而主導 5G 技術，將會係華為、Ericsson 及 Nokia Networks。不過，也不是每一間網絡商都表示有興趣，如法國電訊 Orange，就係 MWC2015 表示，現時 4G 已十分成功，我們應享受當中的成果，雖然他們會研究 5G 發展，但不急於推出。而與會者認為，5G 商用網絡，應該在 2020 年才會正式推出。咁究竟 5G 有幾快呢？相信唔少網友都會問呢個問題。根據各大網絡儀器公司既講法可以做到 1Gbps 速度，比起當初 4G 100Mbps 的速度快很多啊！如果覺得韓國都係離大家太遠，又不妨談談中國方面，中國移動有談到他們的 5G 預計在 2020 可以發展，會用到 3.3~3.4GHz 、3.4-3.6 GHz 、3.6~4.2 GHz 甚至高於 6GHz 的高頻去做，亦會進行 2G/3G/4G 的頻譜 refarming ，展望在 5 年之後就發展到 5G 速度。
要 5G 咁快又有咩野用？係展場入面都有提到更高的速度可以實現一些強大的影片串流，又或者減低遠程實時操作的延遲，會場中亦有不少 VR 虛擬實境的展示，在他們的預想中一個 5G 的網絡可以實現超高清的串流直播／操作，更大程度的運用 VR ，點講都好，這也是值得期待的將來啊！
