VAIO VA-10J 日本開賣！預載 Android 5.0 入門規格過三千！
VAIO 係脫離 Sony 之後會做手機，之前版主虎仔都同大家講過幾次，而佢地第一部手機 VA-10J 就正式係日本現身啦。呢部手機採用 5 吋 720 x 1280 解像度屏幕、Qualcomm S410 1.2GHz 時脈的 64bit 處理器、2GB RAM 、內置 16GB 容量，可以外置最大 64GB 的 Micro-SD ，相機方面是 1300 萬像素主鏡頭與 500 萬像素前鏡頭，內置 2500mAh 是不能換的，整體來說是入門等級的規格吧？大家會留意到呢部機既規格同版主虎仔介紹過的 Panasonic Eluga U2 是一樣的，外觀亦都有 9 成相似，莫非就是貼牌機？呢部 VAIO VA-10J 已經在日本開賣，並且由 b-mobile 獨賣（有買開日本 SIM 卡的網友都應該知道邊間吧？），不過價錢要 $51,000 日元（就算日水低，都要成 $3,250 港幣…），另外這部日本機只有 2000/1800/800 MHz 三頻段的 4G LTE ，所以係香港都只用到一段頻段，明明 Panasonic Eluga U2 只係賣 $2,000 有找，貼上 VAIO 既牌子真係唔同啲既
▲如果同一個規格，當然係買平一截的 Panasonic Eluga U2 啦！乜話？鐘意 VAIO 個 Logo ，咁版主都冇辨法
