▲ 樂視手機嘅官圖,感覺 Le 1 是無邊框,實際係用了黑色 wallpaper 再加上黑框的錯覺。不過,實際屏幕邊框亦唔算厚嘅。
Le 1 搶先開箱啦
▲ Letv 香港人員,之前跟版主分享過,Le 1 係大陸 4 分鐘內賣晒預備嘅貨量,不過,有入中國大陸水貨手機嘅店主跟版本透露,Le 1 唔算好缺貨,來價亦無被炒得好貴。Le 1 跟機送充電器及不可劃缺嘅 USB Type C 數據及充電線線線。Type C USB 配件暫時比較難買,買家一定要 Keep 住呀。
▲ Le 1 採用 MicroUSB 設計,支援 4G 雙卡雙待。Le 1 雖然機背比較圓潤,材質亦近以魅藍 Note,但手感比較好,觀感亦不似玩具。
▲ Le 1 有千三萬像素鏡頭, 採用 Sony IMX214 感光元件,觀感上略位突起,但唔算嚴重。機側睇,會見到 Le 1 嘅金屬機邊。
▲ 從包裝盒得知,香港賣到係 16GB 版本,而 Le 1 更有 3000mAH 高容量電池。連版主都醒唔起,原來樂視手機是支援 dts、杜比音效。而大陸機少有支援 HDMI MHL 接駁高清電視,樂視手機亦支援得到。香港返嘅貨更係支援中港 4G 3G,打通中國移動、聯通嘅 4G LTE 網絡。
試用感受
樂視手機 Letv 三子,Le 1 是最入門款式,但所謂入門,可能已係其他廠嘅旗艦規格了。Le 1 用上跟 HTC One E9+ 與 M9+ 同樣的 MTK Helio X10 八核心處理器,並配上 3GB RAM,今次返貨係 16GB ROM,比較可惜係不支援插卡。而他用上 Full HD 1080p 屏幕,相比 HTC 用 2K 芒,更易跑出跑分軟件嘅高分數,而版主用賣街版 Le 1 跑過分,以最多人作參考嘅 AnTuTu 的確如之前所說推五萬分,性能方面,不成問題。叫 Le 1 做入門款式,因為佢唔係用全金屬材質,只係機則有條金屬邊,機背都係膠來嘅。比較有趣係,機背使用了小米決定唔係 4i 採用嘅拋光物料,雖然 Meizu 魅藍都係差唔多嘅 Material,但 Le 1 無廉價玩具感覺。特別一提,可能係用左膠背及 MTK 處理器,版主照例跑完幾個 Benchmark 都發熱嘅感覺。
Letv 樂視本身最出名係電視機?可能仲有佢嘅視頻內容,所以 Letv 出手機就係要你睇樂視嘅片。Le 1 有三個方法睇片,包括你以為係 App Drawer 嘅中間點,其實係直入樂視輪播頻道、樂視自己個 App、仲有在介面向右撥,直入類似 HTC BlinkFeed 嘅「樂見」介面。唔少得嘅係,首次進入手機,唔係問你 Google 戶口 (大陸版呀),係問你樂視戶口!咁 Le 1 又睇到樂視嘅內容嗎?版主試過,係唔 Login 樂視戶口嘅環境下,大部份嘅直播頻道都睇到,但電視劇電影嘅點播,就唔係部部得。因為試機個陣係下午時份,未有主要體育賽事,真係唔知呢部大陸版 Le 1 ,係香港睇唔睇到 NBA 同英超直播。
試屏幕
▲ 睇番樂視官方資料,原來佢地沒有寫明 Le 1 嘅屏幕,採用邊一種材質,只知道係 5.5 吋 Full HD解像度。版主搵了呢排都好 Hit 嘅魅藍 Note 作比較,Le 1 的色水比較自然 (上圖靠左),但比較輸蝕係光度唔夠,但總體來說, Full HD 解像度提供的細緻度,已好足夠,睇睇下圖以 Le 1 屏幕顯示嘅文字與圖示就一清二楚。
跑分成績
▲ AnTuTu 跑出五萬分,可見 MTK 呢類 Helio X10 八核心處理器效能不錯。
▲ 可能是因為 Le 1 只係 Full HD 芒,唔係 HTC One E9+ 嘅 2K 芒,令用來顯示 3D 遊戲效能嘅 Basemark ES 2.0做出 58.52fps 嘅成績 (最理想為 60fps) 可見手機遊戲也難不到 Le 1。
▲ Vellamo 跑分分為三部份,第一部份測試瀏器效能,第二、三部份為 CPU 處理器效能,成績都首一二名。
▲ 要睇樂視內容,可以由「樂見」介面,UI 裡面底下的視頻專鍵,或者 Letv 個 App。
▲ 版主無中國大陸樂視嘅戶口,但睇見到唔少影視內容,如圖中的美劇。
試相機
Le 1 採用 Sony IMX214 F2.0 感光元件,能拍出千三萬像素相片,呢個相機模組,曾經係 HTC Desire Eye 及 Butterfly 2 中用過,相片效果係唔錯嘅。呢個模組係 Le 1 亦拍出色彩豐富,具層次感嘅相片,只可惜我們試玩嘅時間比較短,夜攝效果要等有機會再試了。至於相機軟件介面勁似 iOS 8 好采是對焦及拍片速度都快,使用上都很爽手。▲ 相機介面太似 iPhone 了。
▲以上數張日間試相,效果很不錯!
小結:樂視手機 效能值得期待
小試了 Letv Le 1 感覺跟發佈會初試差不多,評價都係正面。16GB 版本在中國大陸賣人民幣 1499,去到香港首輪賣價為 $2280,有 5.5 吋 Full HD 芒,千三萬像素手機,開價算係合理。使用 MTK Helio X10 處理器,可能因為屏幕解像度唔係 2K ,效能比起同類 HTC 手機為佳。而 Le 1係相機、效能都係唔錯,若果你是性能先決、相機為要,呢部機可以考慮。水貨版比較多樂視視頻內容,內容各花入各眼,但係咁要你睇嘅介面設定,感覺有點煩。事實上,就算是未來行貨亦要面對嘅問題!對於 Le 1 你又什麼意見,會期待香港行貨嗎?齊齊留言講幾句吧。賣價 : $2280,可代安裝 Google Play Store
查詢: K Digital 27299881
Letv Le 1 (樂 1) 香港行貨約八月推出,行貨售價未定,按此看詳細規格和最新賣價。