主題:突發! 12 月 10 日 中國聯通強打中港 4G! 新台面世

ePrice HK
  • 發表時間:2015-12-07 20:06 收錄檢舉
    以往中港 4G 服務,只有一個台選擇,話優惠就優惠,話 Cut 你都無得揀。呢個局面,可能好快會改寫。 黎緊 12 月 10 日,你可以有一個新的選擇。之前成日都有傳中國聯通會推出 4G 計劃,而家終於要來了! 中國聯通 (香港) 在其 Facebook 專頁上暗示,將會推出中港 4G 計劃以及新的服務,至於全新的服務代表啲咩,會唔會針對對家,大攪中港 4G 上網計劃?唔知大家估唔估到呢?

    突發! 12 月 10 日 中國聯通強打中港 4G! 新台面世

    當個個台都推出 4G 計劃,而中國聯通仲係只有 3G 的時候,大家都對中國聯通並不感興趣。但如果中國聯通真係推出 4G 計劃時,咁就唔同講法。就係剛剛嘅時候,中國聯通 (香港) 在 Facebook 專頁宣佈,今個月 10 日 (星期四),將會有全新網絡、全新產品、全新服務登場,並且叫人估係乜野全新服務,仲俾埋提示係 _ _ _ _ G,令人一眼就睇得出佢終於要推出 4G。呢個無疑係一個好消息!

    突發! 12 月 10 日 中國聯通強打中港 4G! 新台面世

    以往如果我地要番大陸想用 4G,就只能夠用 CMHK,因為只有 CMHK 先有提供價錢合理的 4G 漫遊服務。雖然 CSL 都有提供中國 4G 漫遊,但要 HK $198 一日,相當昂貴。而家中國聯通除左會推出 4G 計劃之外,好大機會順便推出 4G 中國大陸漫遊服務,如果屬實的話,到時你就會有多一個選擇。

    咁即係話,香港未來將會再多一間有提供 4G 服務的網絡商,而且仲支持中港 4G,呢個消息對你黎講,係唔係一件好事呢? 有關 4G 計劃的價錢方面暫時就未有消息,不過估計都唔會太貴吧? 唔知你地期唔期待呢?

    來源:中國聯通 (香港) Facebook 

    立即加入Facebook 專頁,新聞/消息/優惠,最快知。

    01樓 ▲TOP 回列表頁