「德國牌子」Gigaset 要來了！出夠三部機，全部港行！
話說係 2015 年 IFA 大展上，沉寂多時的 Gigaset 再次現身，仲一口氣推出左三款手機，分別係 Gigaset ME、Pure 與 ME Pro ，令外界都相當期待呢個德國廠牌會再次崛起。先同大家重溫一下呢三部手機的規格，首先係中階級數的 ME Pure，有 5 吋 1080p 屏幕，同埋選用 Snapdragon 615 處理器配 2GB RAM 以及 16GB 內存，前後相機亦改為 8MP 和 13MP，電池容量 3,320mAh。而 Gigaset ME 和 ME Pro 都屬於旗艦規格，前者用 5 吋而後者就係 5.5 吋 1080p 屏幕。兩部機一樣用上 Snapdragon 810 處理器再配上 3GB RAM 以及 32GB 內置容量。主相機則分別係 16MP 以及 20MP，前置相機為 8MP 。電池容量分別為 3,000 和 4,000mAh。睇完三部機個規格，即使係 Gigaset ME 或者 ME Pro，以現時的標準來看，都唔算係頂級旗艦。不過，三款手機都有雙卡雙待，同時支援中港兩地的 3G、4G 。而且有 2.5D 玻璃屏幕，兼且用左骨導式聽筒，令機面正面用到無開孔設計，都算係幾有特色的。近日版主就收到風，呢三部機都會正式係香港開賣！
▲Gigaset 三部手機曾經係 IFA 2015 亮相，看起來質感都唔錯。
價錢會係幾多？看來難以樂觀呢！
知道係香港會賣，相信大家都會好想知，價錢會係幾多以及幾時賣。雖然版主都唔知呢三部機幾時見街，但係價錢都有少少資料。據說 Gigaset ME、Pure 同 ME Pro 係定價方面都會「跟隨歐洲定價」，版主睇返之前外媒報導， Gigaset ME Pure 定價係 249 磅，大約係港幣 $2737 左右，而 Gigaset ME 要價 349 磅，大約係港幣 $3837 左右，最後大芒大電的 Gigaset Me Pro 定價 399 磅，大約係港幣 $4387 左右。係呢到可能會有網友問，其實三部手機以呢個 spec ，再配上德國牌子呢個朵，明明都幾有睇頭，點解仲話唔樂觀呢？呢個原因好簡單，因為之前版主 Keith 都提過， Gigaset 只係西門子歷史中的一部份，現時已經無任何關係，更重要係 Gigaset ME 官方 FAQ 裡面寫明手機是由中國製造。而且有大陸媒體提到，早係 2013 年 Gigaset 已經被香港高銀集團收購，嚴格而言 Gigaset 已經唔完全係德國牌子了。再加上三部機係 2015 年正式在大陸開賣的時候，定價比起歐洲價錢高，所以未來 Gigaset 登陸香港後能否發圍，實在好難講呢。
▲ 三款 Gigaset 手機規格分別及價錢 (以歐羅為單位)
▲ Gigaset 三部手機係上年已經在大陸上市，但今年才到港。