買手機,請你搭飛機,好抵?衛訊新招有乜要考慮?

左定坤 (Cho Ting Kwan) 2018-01-02 16:45 | 網絡消息
以往大舖成日都喜歡以減價的方式,去吸引網友去消費,不過來到 2018,有大舖就嘗試下整啲新搞作:買手機,請你搭飛機,嘩聽落好似好正啵! 不過,實情又有無伏呢? 版主咁問到,當然係會有點伏架喇,不過對於你哋黎講,呢點伏又重唔重要呢?就等版主馬上同大家討論下!

衛訊 (Facebook).jpg

今次請大家搭飛機的大舖係衛訊,由即日起至 2018 年 1 月 31 日,只要到衛訊單筆消費滿 $6500,即可免費獲得來回機票一張,毋須額外收費,已包括所需稅項,目的地更有 20 個精選旅遊地點,當中包括台灣、東京、曼谷等等。聽落好正,但以下幾點需要注意一下:

螢幕擷取畫面 (2).png

001: 單筆消費 $6500,但唔包 Apple 產品,亦不可用衛訊現金券

要網友消費 $6500 先有機票送,呢點唔係問題,重點是,Apple 產品居然唔包!試問去得衛訊,十有八九都係買手機/平板,但除左 Apple 之外,仲有幾多手機係過到 $6500?有,三星囉,咁係咪其實即係變相推人買三星呢?同時,衛訊現金券都唔能夠使用,一定要用現價去入手。

002: 要先俾護照資料,先至能夠收到免費航班優惠

「如何才能換取我的免費航班」內,清楚寫上換領機票的四部曲,但要注意的是第三、第四點,你係必需填哂你的個人資料、甚至護照副本等資料,先至可以換領免費航班,而免費航班又未必一定係你最想去的地方,因為佢係要你先填寫三個你想去的目的地,然後佢先會同你 check 係咪安排到航班。未決定最後係咪真係去之前,你已經要將你的個人資料送哂出去,個人認為就有點風險,你又點睇呢?

螢幕擷取畫面 (3).png
 

最新新聞