主題：ePrice 2019 科技新聞 + 消費大事回顧！李嘉誠是風雲人物

左定坤 (Cho Ting Kwan) IG 歡迎 Follow: @ahkwan1990
帳號：prince1025
發文：3159
經驗：5680

發表時間：2019-12-28 13:38 收錄檢舉

又到 2019 大事回顧！ePrice.HK 係一個科技新聞 + 電子消費品導購網站，今年最多網友關注嘅係乜新聞？力撐香港本土經濟李嘉誠，其集團做咗三件好多網友都勁 like 嘅事；社會運動令全民都用 telegram，但其保安問題原來無乜人知；科技新聞少不了華為，但最熱爆新聞唔係佢手機無 google，而係......

ePrice 2019 科技新聞 + 消費大事回顧！李嘉誠是風雲人物

李嘉誠是風雲人物

點解會話誠哥係風雲人物呢？除咗佢之前捐出 10 億港元支持中小企業，原來佢集團旗下同科技有關嘅企業，亦都靜靜雞做咗啲嘢，例如豐澤不時會搞下特賣場，刺激一下經濟，而呢類新聞網友最關注；而網絡商 3 台呢，亦都偷偷將其儲值卡 (萬能卡) 做到好平，吸引到好多人購買使用。誠哥萬歲！表情 #6

社會運動都同科技新聞息息相關

社會運動都關科技事? 關㗎！全因為社會運動出現，令到好多人都轉用 Telegram，不過初轉用 Telegram，大家可能無乜留意到，其實 Telegram 都會有保安問題，所以大師 YK 就出咗篇文教大家「保平安」; 與此同時，亦因為社會運動的影響，令到多咗唔少人留意 BNO 相關的新聞，所以大師 YK 篇新系統 BNO 續領 / 補領教學文，都勁多人睇！表情 #7

科技界不得不提的品牌：華為

講到科技界最不能不得的品牌，一定係華為，今年華為都面對好多問題，因為受到中美貿易戰影響，而家連 Mate 30 系列同埋最新的平板電腦，都用唔到 Google Mobile Service，呢件事都算係一件大事。不過，今年最多人關注的新聞，並唔係華為裝置無 Google 用，而係 Leica 廣告重現 1989 年天安門場景一事，大家都好關心，會唔會因為呢件事，華為就唔再同 Leica 合作呢...... 不過來到年尾睇返，似乎就無乜太大影響到華為、Leica 嘅「感情」～

ePrice.HK 2019 年十大最高點閱新聞排行榜

第一位	豐澤特賣場：過萬蚊相機變四千！三星+Sony+華為旗艦變千元機
第二位	【緊急檢查】港人轉用 Telegram 保平安？漏做呢幾步會出事！
第三位	Android 改用 Dark Mode！實測慳電高達 50%
第四位	Google 擬收取 Android 授權費大陸手機或被逼加價
第五位	【更新】實測：舊有教學統統無效！新系統 BNO 續領 / 補領更簡單
第六位	實體店全線關門，誠哥豐澤網店清貨五千大電手機只需 $1300
第七位	Google 將開放 Android Q Beta 予更多手機測試
第八位	$150 入貨！3HK 年卡 50GB 數據！3 香港「國際萬能卡」攻略
第九位	【有原片】華為停止合作？ Leica 新廣告重現 1989 年天安門場景
第十位	惡意軟件襲 Android！自動取代正版軟件防不勝防