撐學生?九巴加強「大專優惠站」優惠

Keith Yim 2020-01-03 18:28 | 網絡消息
唔少被認為「黃店」嘅食市都有學生優惠,例如學生免費係某時段唔駛錢食嘢等等,唔知係咪呢招好 Work,九巴宣佈 1 月 5 日加強「九巴大專優惠站」,一日最多慳四蚊!話時話,九巴呢排都係好積極喎!

KMB-fb.jpg


九巴宣布,於 2020 年 1 月 5 日(星期日)起,「九巴大專優惠站」優惠。其實只要你有機會去呢批大專院校,都有機享用到,係咁玩嘅:

 001:  由 2020 年 1 月 5 日開始,使用成人和學生八達通的乘客,乘搭第一程九巴後,只需於同一個工作天內去「九巴大專優惠站」拍卡,並同一個工作天內以嗰張八達通乘搭第二程九巴,即可獲 HK$4 車費優惠。
 
002:  如果乘客係「九巴大專優惠站」拍卡後,同一個工作天內以該卡乘搭任何九巴路線,亦可獲 HK$2 車費優惠。

003:  乘客每日拍卡的次數不限,乘客須以「先乘搭,後拍卡,再乘搭」的方式,享受$4車費優惠。搭得越多,慳得越多。
 
004: 「同一個工作天」計算時間為每日凌晨 4  點 45分至翌日凌晨4 點 44分 59 秒。

005:所有持有成人和學生八達通的乘客均可使用「優惠站」,而有關優惠適用於全港逾四百條路線,包括常規路線、馬場專線、通宵線、由九巴營運的過海線、口岸線以及假日特別線。


簡單來講,去跟走都要坐九巴,先會有足 $4 嘅優惠。

七個校園增設「優惠站」
同時,九巴表示,再有七間院校校園增設「大專優惠站」,分別為香港專業教育學院及職業訓練局校園,目前共有十七部「大專優惠站」投入服務。望下嗰表,包括咗好多間大學喎,但係就無香港中文大學囉。
 
Screenshot 2020-01-03 at 6.11.55 PM.png

最新新聞