荃灣豐澤特賣場又來！立即登記 掃平價手機、電腦、相機

左定坤 (Cho Ting Kwan) 2020-09-26 13:03 | 網絡消息

又一段時間無講過豐澤特賣場，可能係因為佢哋無搞，又可能因為轉咗長開，無特別推 (?) 唔知啦，不過可能見呢排中原咁多搞作，又忍唔住再推特賣場，不過為控制人流，要先登記才可以入場，點先登記到，睇下文啦！



打開豐澤網站，見到佢彈出嚟寫住，話 10 月 5 日會有荃灣特賣場，到時會有手機、電腦、相機、耳機等數碼產品優惠，不過就要 VIP 會員尊享，可能係為咗控制人流啦。而若果你係易賞錢 VIP 或者 iClub VIP 會員，由即日起至 9 月 28 日晚上 11:59，你就可以按這裡登記。

登記完之後，你就可以按你嘅時段去荃灣特賣場掃貨，相信每個時段會有限人數，唔使同一時間咁多人，又要逼，又有傳播病毒嘅風險。若果想知今次特賣場有乜優惠產品，版主會盡量爭取入場，到時同大家分享一下。