主題:【教學】八月一領消費券!Tap & Go 用家必睇!話你知有乜注意

ePrice HK
  • 發表時間:2021-07-31 14:59 收錄檢舉
    8 月 1 日,終於可以收到政府消費劵嘅第一期 $2000 金額,而基本上而家要諗嘅問題,唔再係用乜嘢電子支付工具去拎,因為已經決定咗無得改變,而係到底當你拎到 $2000 消費劵,到底有乜嘢係一定要即刻做,同埋點樣去用。而如果你係 Tap & Go 用家,就等我同大家講下,有啲乜嘢地方需要注意。睇下文啦!


    ▲ 聲音解說

    【教學】八月一領消費券!Tap & Go 用家必睇!話你知有乜注意-0

    如果你係選擇咗用 Tap & Go 領取消費劵,而又假設你之前未用過 Tap & Go,甚至你有用過 Tap & Go 但唔知點樣用個消費劵,呢度我就詳細少少同大家講下。
     

    首先同大家 Step by Step 講下 Tap & Go App 入面「消費劵計劃」頁面係點先:


    001: 打開 Tap & Go App。

    002: 入到去你除咗會見到「你嘅拍住賞帳戶已準備好用嚟登記同領取政府消費券」,下面你仲會見到「要用消費劵 按此加卡」,我哋撳下面果個。

    【教學】八月一領消費券!Tap & Go 用家必睇!話你知有乜注意-1

    003: Click 到入去,你就會見到有三個價錢,一個係「可用餘額」,然後下面就有 mastercard 同埋銀聯兩個餘額,咁而家大家未拎到消費券,正常你係會見到寫住 $0。

    【教學】八月一領消費券!Tap & Go 用家必睇!話你知有乜注意-2

    004: 而如果你 Click 入去是但一個,例如 mastercard,你就可以見到你嘅卡資料,同埋有得揀加入 Apple Pay。

    【教學】八月一領消費券!Tap & Go 用家必睇!話你知有乜注意-3


    005: 繼續睇返「消費券計劃」果一版,下面仲有四個選項,分別為交易記錄、轉帳、二維碼支付仲有推廣優惠。交易記錄相信就唔使解釋,你買過乜都可以喺度查到。「轉帳」功能,就係到時畀你有需要時,由 mastercard 轉去銀聯卡,又或者由銀聯卡轉返去 mastercard,而當你啱啱收到消費券金額嗰陣,係會兩張卡平分,即係第一期嘅話,係 mastercard 銀聯卡各 $1000,到時你就自己射。
     

    Tap & Go 支付方式

    點解講完「交易記錄」同埋「轉帳」之後,下面「二維碼支付」唔講呢?因為我想直接跳到另一個要了解嘅嘢,就係支付方式。一般而言,Tap & Go 使用方式有以下幾種:

    網店
    假如你係用於網店消費,你可以好似平時簽信用卡咁,輸入返你嘅卡號碼資料,咁就可以成功碌到卡。

    實體店
    實體店就可能複雜少少,因為有好多種唔同嘅支付方法,包括:

    方法一:將你的 Tap & Go 加入到 Apple Wallet、Google Pay 或者雲閃付 App,不過當中需要留意的是,Google Pay 淨係可以用到 mastercard,而雲閃付 app 就只係用到銀聯,Apple Pay 就兩張都可以加到。而當你去實體店,就可以用 Apple Pay、Google Pay 以及雲閃付 App 消費。

    方法二:就係啱啱提到嘅「二維碼支付」功能,如果你去到一啲支援商戶版 FPS 轉數快或者「拍住賞」二維碼嘅店舖,就可以用呢個「二維碼支付」功能去掃 QR Code 畀錢。


    所以,當你去到一間店舖,見到佢哋無 contactless 付款果部機,咁你都可以問下店員,有無商戶版 FPS 或者「拍住賞」二維碼可以掃,如果有,當然無問題,可以照用來掃 QR Code 畀錢,但如果又無 contactless 部機,又無 QR Code,咁 sorry 基本上果間舖用唔到 Tap & Go 消費劵去畀錢。呢點大家要注意一下了!

    按呢度: $5000 電子消費劵攻略
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁