好似好多年，ePrice 版主都無攪新年活動？我記得早幾年有攪抽手機、有攪抽利是。今年攪乜好？不如簡簡單單，就係玩遊戲派利是。反正今年又有強大嘅限聚令，大家有街都出唔街，咁不如我哋幾位版主同大家玩遊戲！我哋預咗 Budget HK$2000 大派利是！想知點瓜分呢 $2000，內文話你知。
家陣傾計唔駛面對面，都唔駛好隆重咁開電腦 Park 著個 Zoom，更加唔駛好似 Youtube, FB, IG Live 咁，有我講你只可以打文字。今晚我哋用 Clubhouse 平台，無論你靜靜地係下面聽，定主動上台上台同我地傾計玩遊戲，都有機會搶到總值 HK$2000 利是。
HK$2000 利是點樣搶
001: 立即用手機進入呢條 Link，已登記咗 Clubhouse，按「鐘」仔，喺 31/1 年廿九 11:45pm 我哋開房，你係手機就會收到提示進場。(之後呢條 Link 會變為重温 Link 你可以聽番當晚節目)002: 未成為 Clubhouse 用戶，用呢條 Link 可以立即登記。Clubhouse 已唔駛用邀請碼，並支援 iOS 及 Android 手機。你想有利是逗，就要成為 Clubhouse 會員。
003: 我哋今晚會有傾計及遊戲環節，都要大家上台講嘢，玩遊戲。肯講肯玩並勝出遊戲，都有幸運利是。
004: 若果你係內向嘅人，只係想有啲聲，又想逗利是，你可以做聽眾嘅，但請你立即 Follow 晒全間房嘅人，並改為「老虎仔」頭像，最後派利是環節，你都有份玩。
005: 我哋會用 Payme 平台派利是，你記得預備喺你手機預備定 PayMe 啦! (PayMe 收利是詳情睇呢度)。
ePrice.HK 聯同 Qooah.com 喺 Clubhouse 有定期嘅 Podcast 節目，按呢度加入我哋嘅「香港｜手機|科技｜生活｜台」星期一至五，下午一點半，就有「輕鬆講科技」節目。Club 頁面有之前嘅節目重温，大家可以聽住先。另外，想知 Clubhouse 仲有乜嘢廣東話節目好聽，Click 呢一頁，版主 Keith 每日更新不同重温節目，你會發覺廣東話 Podcast 係好多嘢聽架！