政府再派電子消費劵！加碼至 $10000！分 2 期發放：四月先派 $5000

左定坤 (Cho Ting Kwan) 2022-02-23 13:21 | 網絡消息

2021 年政府電子消費劵，雖然大家都寧願派現金好過，但畢竟政府派錢無理由唔拎，最後反應都好熱烈。到 2022 年，政府又派錢，又係派電子消費劵，今次仲要加碼至派 $10000，你覺得派電子消費劵，又係唔係真係會開心啲呢？你又寧願佢派現金定電子消費劵？

財政司司長陳茂波公佈咗 2022 年嘅財政預算案，當中再次提及會派電子消費劵，今次唔係好似上次咁淨係得 $5000 仲要分三期，而係派 $10000 分兩期，預計四月先派第一期嘅 $5000，到年中再派第二期，呢個消息對你嚟講又係咪好消息？

乜嘢人可以拎電子消費劵？

合資格的18歲或以上香港永久性居民及新來港人士，預計有 660 萬人可以攞到。

乜嘢電子支付工具可以領取及使用消費劵？

如果同上年一樣的話，應該會係八達通、Tap & Go、AliPay HK 同埋 WeChat Pay。