001: Del Apps 唔用不必要嘅 Apps
去食飯要儲點數，又要 App，要登記呢個服務，又要 App，最近出咗隻好好玩嘅遊戲，咪又係 App！裝嗰下好開心，但無乜點用嘅，你會主動 Del App 嗎。呢啲少用嘅應用程式，可能會喺後台運行並占用寶貴系統資源，呢啲資源，可以在我哋不知不覺嘅情況下，安排到你成日用嘅應用程式裡面。因此，版主強烈建議，每隔幾個月，你要為手機進行一次清理，去除 Del 咗啲唔常用嘅 Apps 另外，好多所謂嘅 Task Manager 嘅 App，講到會幫你解決手機 App 佔據手機資資源問題。其實，只要你嘅 Android 手機唔係 Android 6, 5 呀呢啲過份舊嘅版本，越新嘅 Android 版本，係你管理你手機資源方面都得做得好好，所以你不需要任何 Task Manager，你裝咗？Del 左佢啦。
002: Widget + 動態 Wallpaper 可免則免
Android 手機好耐以前嘅版本，已有動態 Wallpaper 同埋 Widget 桌面小工具。你知唔知，佢哋都可能會影響手機性能。若果你嘅手機越用越慢，最快嘅解決方式，就係停用動態 Wallpaper 同埋 Widget 桌面小工具，你嘅手機越舊，就更加要咁様做。003: 開發人員選項有神秘功能
Android 有一堆 UI 動畫，好似好靚，但可能拖慢你部手機，你可以 Off 左佢，你可以減慢動畫轉場速度，方法要進入「開發者選項」。只需前往設置 > 系統＞開發人員選項 > 窗口動畫縮放、轉換動畫縮放和動畫器持續時間縮放，然後選擇 0.5x 或關閉它們。如果你喺手機，揾唔到開發人員選項，你可能需要先激活它。要這麼做，請前往設置 > 關於手機 > 軟體信息（或者版本號碼等等），然後連續點擊佢，直到你看到「你現在是開發者」的訊息。004: Go 版、Lite 版或者 Web App 版
Lite 或 Go 版 App 不僅佔用空間少，而且非 Go、Lite 相比，佢哋資源的需求無本 app 咁大。若果你部手機已行得好慢，試試改用 Go 或 Lite 版！Google、Facebook、Microsoft 都有提供。部份網上服務，好似 Youtube、Spotify、IG 其實都可以將 Browser 拉出一個 Web App 出去主畫面，功能同 App 相差無幾。005: 更新、更新、更新
唔少 Android 用家，都以為只有 iPhone 先會成日叫你更新。但其實幾年前開始，唔少 Android 手機廠，差唔了多月月都會有系統更新：小米、Sony、ASUS、Nokia 都係經常推送更新的手機廠！手機軟體更新會帶來性能提升和錯誤修正，以及新功能。若果你部新手機又好，舊手機又好，請立即前往設置 > 系統 > 更新（或軟體更新）檢查。006: Reboot 有神奇效果
當你重新啟動手機，即係關機再開，手機系統會清除之前運行 App 和背景程式。呢個動作，會稍微提升你部手機嘅性能。雖然呢個唔係長期解決方案，但若果你感覺手機開始遲緩，Reboot 一次唔係保平安，係保流暢！。喺某啲 Android 界面上，如 Samsung 手機採用嘅 OneUI，你可以設定自動重啟手機的時間，指令佢日日 reboot 一次，唔駛手動，唔駛煩。007: Hard Reset 由零開始
剛才講咗定時 Reboot 手機，會有神奇效果，但真係幫舊手機由慢變快，不是 Reboot ，係要 Reborn，即係 Hard Reset：將手機重置至原廠設置，一切由零開始，移除所有不必要的垃圾，並給予手機新生命。但記住將手機重置至原廠設置，請確保備份所有重要數據，因為真係浴火重生架。手機好重要，慢嘅好換機
以上，就係提升舊 Android手機性能嘅一 技巧。記住，手機硬體都係一個重要因素。如果你嘅手機硬體太舊，呢啲技巧可能只能提供有限改善，若果 Budget 許何，換部新機吧！budget 唔許何，都要換啦，手機加陣唔可以無架，自己想辦法啦！文章靈感來自：xda-developers