擁有 155 萬訂閱者嘅 YouTuber Voidzilla 喺最新發佈嘅影片入面指出， Trump Mobile 嘅網站存在一個非常簡單嘅安全漏洞，導致客戶資料外洩。 Voidzilla 表示自己都係受害者之一，佢嘅郵寄地址、電郵地址同埋訂單資料都可以被輕易獲取，幸好信用卡資料就無受影響。另一位 YouTuber Penguinz0 亦證實咗呢個漏洞嘅真實性，確認流出嘅個人資料完全正確。
除咗私隱安全問題之外，呢個漏洞仲揭露咗一個令品牌非常尷尬嘅秘密。 Voidzilla 透露，透過外洩嘅客戶 ID 數據推算，該網站大約只有 10,000 名獨立客戶，總訂單數量大約係 30,000 筆，同品牌之前宣稱嘅 600,000 筆訂單相差甚遠。
而講返部 $499 美元嘅 Trump Mobile T1 Phone 手機本身，收到實物嘅人發現部機外觀非常似一部改頭換面嘅金色外殼 HTC U24 Pro ，入面預載咗 Truth Social 應用程式。包裝盒上面亦將之前宣稱嘅 「 Made in USA 」 改寫成 「 Proudly Assembled in USA 」。