出發 Duck
JHC 真好城（前名日本城）有得賣旅遊上網卡並唔係新鮮事，但佢哋唔係做埋手機台代理，而係同其他品牌合作。之前係同一間叫 iReborn 嘅品牌合作，依家就同一間叫「出發 Duck」嘅品牌合作。呢個品牌版主 Check 過，都幾新下，2026 年初成立。而「出發 Duck」喺 JHC 真好城有十九款卡發售，其中有一個叫「真．放題」嘅系列吸引咗版主嘅眼球。「真．放題」真無限海外上網？
喺 JHC 真好城賣嘅「真．放題」系列，主要係 23 地區環球卡，喺呢 23 個地方，指定日數內可以「真．放題」高速任用，支援 4G／5G。適用地區包括：中國內地、澳門、日本、韓國、台灣、泰國、越南、新加坡、馬來西亞、印尼、菲律賓、柬埔寨、美國、法國、奧地利、丹麥、愛爾蘭、意大利、瑞典、英國、以色列、澳洲及新西蘭。基本上包括咗主流香港人會去嘅地方。JHC 真好城網站有列出 23 個地區使用咩網絡，以及邊啲地區支援 5G 連線。根據資料，版主估計，佢哋用嘅宿主網絡應該係 3 香港。等勇士測試
呢款卡喺 JHC 真好城由四日放題至二十五日放題都有，最平 $71（4 日），平均約 $17.75 一日。以上網任用嚟講，唔算貴。不過，到底係咪全程不限速、真正無限，就要有勇士試過先知。呢張卡除咗去台灣之外，都唔使實名登記，即插即用。
▲ 按此了解更多