唔清唔楚外遊 Data SIM
台灣最近就有不同研究及報道，指出部分平價旅遊 eSIM 雖然可以正常上網，但產品背後使用邊間電訊商、數據流量經過乜嘢地方，以至由乜嘢公司處理用戶資料，都未必交代得清清楚楚。走線嘅唔同，主要有三個影響。首先係網速，其次係 AI 服務接入，最重要就係資料安全問題。買之前如果只睇 GB 數量及價錢，未必可以得到最快速及安全嘅漫遊上網服務。Home-Routed Roaming 最大問題
旅遊 SIM 及 eSIM 一般會採用目的地電訊商嘅流動網絡，但手機嘅數據流量，未必直接由當地連接互聯網。部分產品會採用「Home-Routed Roaming」，即係先將流量送回發卡商或批發商嘅核心網絡，再連接網站。換句話講，即使大家人在台灣，網絡出口仍可能位於香港、新加坡、美國，或者中國。你以為用緊台灣當地電訊商，原來其實用緊香港或者第三個國家嘅連線，兜一大圈先返到台灣，中間經過幾多個點，或者個人資料傳送，可能經過好多手。
問題一：連線速度
透過 Home-Routed Roaming，最大問題係連線速度。以上述台灣漫遊 Data 為例，你以為用緊台灣電訊商網絡，實際上係先經其他地方嘅網絡商，再連線至台灣。舉一個例子，市面上好多 eSIM 其實係採用中國移動國際呢間公司嘅線路，實際上可能先連入中國移動香港，再駁去台灣。一來一回，連線時延會比較高，同採用原生網絡相比，體驗或者最直接，速度會差好多。另外，當地網絡商亦會將網絡用家排序，使用原生卡都相對容易優先使用到網絡。或者去到人多、郊區等地方亦一樣。
問題二：用不了 AI
香港用唔到 ChatGPT、Claude 等國際級 AI，就係人都知，但點解我去到其他地方，用漫遊數據都一樣用唔到？好簡單，因為當你以為用緊當地網絡商，實際上可能用緊香港或澳門網絡商嘅數據出口！你以為係好小事，但旅遊 SIM 及 eSIM 提供者如果冇提及佢嘅原生線路及數據出口，其實資訊根本唔透明。另外，部分旅遊 SIM 及 eSIM 提供者，會將 AI 服務嘅走線偽裝成新加坡連線，以為可以突破 ChatGPT 及 Claude 對香港、澳門嘅服務限制。但呢個方法，AI 公司越來越容易識別異常連線，一旦被判定有問題，有可能限制帳戶或直接 ban 服務，因小失大，大家不能掉以輕心。
問題三：個人私隱處理不透明
數據出口不清不楚，甚至會帶來私隱疑慮。如果旅遊 SIM 及 eSIM 供應商冇表明背後由乜嘢公司負責，處理流量嘅營運商可能掌握連線時間、數據用量、大概位置，以及使用過哪些服務等資訊。呢個就係信任問題，如果連真正嘅網絡商及數據出口都掌握唔到，就代表資訊唔透明，資料安全保障亦會令人存疑。問題四：無限數據非真正無限任用
除咗數據走線，平價 SIM 卡另一個常見伏位，就係將「無限數據」四個字寫到最大，真正嘅限制就收埋喺細字之中。部分產品每日只有首 500MB、1GB 或 2GB 提供高速數據，用完後會降速至 128Kbps、256Kbps，甚至更低。呢種速度勉強可以傳送文字訊息，但要睇片、視像通話或者上載相片，就未必頂得順。亦有產品標榜幾十 GB 數據，但採用公平使用政策，短時間內使用太多數據，仍可能被限速。因此，大家比較價錢時，不能只睇總數據量，亦要留意每日高速用量、限速幅度及網絡制式。原生卡好處
此外，漫遊卡若果本身不是原生當地卡，使用上可能會比較麻煩。舉個例子，香港人去台灣玩嘅時候，沒有當地電話號碼，或者漫遊卡的來源 IP 係其他地方，台灣餐廳嘅現場訂位或者訂位系統，好多時都入唔到去，或者係訂台灣民宿見到非本地號碼，都可能會直接拒絕唔聽！所以揀卡嗰陣，若果你真係玩深度遊，都係原生卡會比較好。
小結：要清楚走線
大家買外遊 Data SIM 或 eSIM，都要睇清楚。香港大台漫遊服務，或者大既旅遊卡代理商原生卡，一般比較穩陣；至於收費太平、來歷不明嘅品牌，最重要係睇清楚服務介紹。上面四個問題都要答得清清楚楚，咁你先可以揀到上網體驗更好、資料安全保障更清晰嘅外遊 Data SIM 或 eSIM。旅遊小貼士：
台灣原生電信有哪些？台灣主要原生電信業者包括中華電信、台灣大哥大、遠傳電信。若希望享有穩定的在地網路、台灣電話號碼及完整通訊服務，建議選擇台灣原生電信預付卡。
香港哪裡可以購買？
旅客可透過 KKday、CoolDataSIM、Klook 等合作平台預約購買台灣 SIM 卡或 eSIM。
哪裡可以領取卡片服務？
香港國際機場爽 WiFi 櫃檯、台灣桃園國際機場易飛網、飛買家
祝大家旅遊愉快，玩得開心，上網流暢，多多分享。