版主 Eddie：後備機之首選 Meizu MX3
對於我來說，首選機和後備機的要求是截然不同的。在 4G LTE 流行的香港，主機當然最好具備 4G 上網能力，而且拍照、上傳、反應都要夠快，這樣子才可以應付工作所需，所以 HTC One 一直是版主長用的愛機（雖然這陣子換機實在比較密，也有一段時間沒有用 HTC One )；然而如果出國工作，當沒有 4G LTE 網絡的時侯，手機的便攜性和耐用性就是比較實際的東西了，所以我會選擇國牌的 Meizu MX3 ，貪佢換 SIM 簡單，電池也有夠耐用，美中不足的是不可以換電。
當然，大家如果想買部機單純通話用，效能如何都不重要的話，請到先達廣場找找有沒有舊機吧，我見過 Moto V3 和 SE W995 都不是太貴的選擇，也可以考慮一下 Nokia 在香港推出的 Asha 系列啊！
版主虎仔：最緊要有得 Sync 有 Tethering
後備機對版主而言，最緊要可以同步聯絡人和 Tethering 分享流動數據。可以同步聯絡人用意非常簡單，因為無論發短訊、Email 或者打電話，冇電話薄幾本冇可能，所以 Second Phone 一定要 Sync Google 或公司 Outlook 帳號，一次過將電話簿資料同步。另外，Tethering 亦非常重要，可以透過手機分享數據，Notebook、平板就可以繼續工作。
每逢出 Trip 返大陸，iPhone 例必擺低，改帶一部 3 年歷史 Nokia E5，勝在外型老土唔搶眼，唔怕引人犯罪；另外備用時間夠長，毋須擔心半日就冇電。最近版主都考慮將 Nokia E5 告老歸田，Xperia acro S 係心水 Second Phone 之選，除咗滿足上面講過要求外，又有防水防塵功能，加上相機算唔錯，如果平啲就更好了。唔知網友點睇呢？俾啲意見我好嗎？
版主 Keith : Sony Ericsson K610i
在 ePrice 當版主，好的手機，一部接一部，其實每一部也是主打手機。不過咁，我想像過，有一天，我要 hea，要好好休息，就會用一部，只需簡單上到 WAP，睇到新聞，再通到話的手機。在我的珍藏裡，有一部: Sony Ericsson K610i。我有一段時間，真的很常用它：二百萬像素相機，係當時來說，影相都快；3G 連線，可以裝 Opera Mini 上到普通網站，亦因為咁，要查 Facebook 也可以。點解揀佢？除了 HTC，Sony Ericsson （Sony) 也是我的至愛品牌，K610i，我真係覺得好靚架!
另一款 Second Phone，就係進入 SmartPhone 年代的 Android 手機：Huawei iDEOS，呢部機，居然是第一款運行 Android 2.2 Pure Android 的手機，雖然不是 Nexus，但裡面沒有任何客製化，當然以千幾蚊售價，成為最平的 Android 手機。我當它後備手機都有兩年，有一次，在小巴跌了，可能因為太 Cheap 太低檔，小巴司機打番比我，失而復得! 天呀，好采跌的不是 iPhone! 後備機，可以是跌左都無人要呢!
