【評測】完全免費!一鍵將 Mirror / Collar 變高質動漫造型!美圖秀秀 AI 繪畫好好玩

左定坤 (Cho Ting Kwan) 2022-11-30 20:11 | Apps
講個小秘密畀大家知,大家都知其實我都幾中意自拍,不過唔知你又知唔知,其實我成日都好想,將自己頭像變成好似動漫人物咁。唔知係咪 Facebook 偷聽到我心聲,不時都會推薦一些具有類似功能嘅 App 廣告畀我,但每次撳入去都會令我反白眼,因為次次下載完,都要我畀信用卡資料,要入咗信用卡資料先畀你 3 日或者 7 日試用,見到呢啲,我通常都會第一時間 Del App,浪費我時間。最近,留意到最多人用輯圖軟件之一嘅美圖秀秀,居然推出咗一個測試版嘅 AI Art 功能,一鍵變身日系動漫造型,係我用過覺得最有 Feel 的!即刻試畀大家知!

FB.jpg

美圖秀秀測試功能:AI Art 好好玩

美圖秀秀,對於成日中意自拍嘅用家嚟講,相信會係必備嘅輯圖或者濾鏡軟件之一。好多時候影完張相,我都會去美圖秀秀簡單加啲 Filter,或者做一些簡單嘅美顏。當然,近年美圖秀秀都加入咗好多幾唔錯嘅 AI 功能,例如一鍵退背、換背景,或者將背景變成動畫效果等等,都幾得意,我間唔中都有用。

最近留意到佢哋多咗個叫「AI Art」嘅功能,中文叫「AI 繪畫」,不過寫明係測試版,只要撳入去選擇「導入照片」,揀返你想將佢變成動漫造型嘅相,等佢一等就可以生成三個唔同風格嘅動漫造型,流程相當簡單人性化。下面除咗有版主我親身示範之外,亦都試下將一啲知名嘅男明星,例如姜濤、Anson Lo,或者女明星例如 Collar 嘅成員,睇下當佢哋變成動漫造型,會係點嘅樣!

版主示範


當男明星變成動漫造型......

▲ 姜濤
  ▲ Anson Lo

當女明星變成動漫造型......

▲ Day。 
  ▲ 芯齡。原圖沒有事業線,但變了動漫造型之後,居然連事業線都變埋出來! 
 
廣告

最新新聞