官方中文版旅遊攻略- Go Tokyo
唔知大家係咪同版主一樣好怕出發前 plan 行程,雖然日本唔少港人都去過而網上的資料都好多,但一開始計劃行程時茫無頭緒都係好平常的事。所以今次首先要分享的唔係實用的交通 app ,而係東京官方觀光網站。唔好以為呢個網只係得一般景點簡介咁陽春,呢個提供繁體中文的網站有兩項功能版主覺得係好岩大家到日本前使用的,分別係節慶活動同埋建議路線。大家都知道日本係有各式各樣大大小小的節慶祭典,要記住係幾時開始邊到舉行實在不容易,而 Go Tokyo 的節慶活動 calendar 就記錄左東京都內各種活動,大家出發到東京前不妨留意一下。另外就係懶人必睇的建議路線, Go Tokyo 提供的建議路線分左不同種類,有大眾化的「日本名勝路線」亦有為動漫迷而設的「秋葉原遊玩路線」(想去睇櫻花的朋友可以留意「春日東京」),大家去東京前睇一睇作為參考包無損失。
來源:Go Tokyo
搭 Metro 必備-東京地鐵遊客乘車指南
東京的地鐵繁忙又複雜應該人人都知,可能因為東京 Metro 都明白對遊客來講要理解東京鐵路實在不易,所以就推出左一個備有繁體中文的地鐵路線 app 。除左應該要有的路線查詢之外用家都可以用定位功能找出距離較近的車站。另外一個對遊客來講相當好用的功能就係「地標檢索」,不少旅遊熱點好似秋葉原購物區同築地市場等「地標檢索」都有,用家要查找旅遊點交通路線時就更方便啦。東京地鐵遊客乘車指南係 iOS 同 Android 平台都有的。
▲ 對遊客來講,東京地鐵遊客乘車指南好用之處除左有中英文外,能夠快速話俾用家知旅遊點如何到達都係一大賣點。
東京地鐵遊客乘車指南
開發者: 東京地下鉄株式会社平台:Android 、 iOS
適用版本:Android 4.0 以上、 iOS 6.0 以上
售價:Android 免費、 iOS 免費
下載:Google Play 、 App store
中文飲食指南 GuruNavi
雖然講到去日本食野最佳參考可能係 食べログ( tabelog )呢個日本美食點評網,不過 食べログ( tabelog )只有日文對部份日文盲想講可能會較難上手。所以今次就推介一個有中文版的 GuruNavi,跟 OpenRice 用法相似,同樣是按地區、菜式、預算等提供建議食肆。雖然介面有點過時,但有中文界面相信對不少朋友來說很有吸引力吧?另外亦將 食べログ( tabelog )的 iOS 及 Android 連結和 APK 檔案放上來以滿足懂日文網友的需要。
▲ 係「其他搜尋條件」裡面,用家可以找到針對中文用家而設的選項,但介面簡陋可能係這 app 一大問題。
GuruNavi
開發者: 株式会社ぐるなび平台:Android 、 iOS
適用版本:Android 2.1 以上、 iOS 5.0 以上
售價: Android 免費、 iOS 免費
下載: Google Play 、 App store
tabelog(食べログ)
開發者: Kakaku.com, Inc.平台:Android 、 iOS
適用版本:Android 4.0 以上、 iOS 6.0 以上
售價: Android 免費、 iOS 免費
下載: Google Play 、 App store
APK 下載:食べログ( tabelog )
尋找至抵價-價格.com(KAKAKU)
好多朋友到日本主要目標都係去鳩嗚,無論係對購物狂還是格價專家來講,格價網站 價格.com(KAKAKU)都一定要 bookmark 定先啦!價格.com 唔單止包含商品類型多(由家電、樂器到文具都有)而且能用家比較所選商品係不同店家的價錢。大家到日本前不妨先到 價格.com 留意下心水商品係邊到有得平啦。
來源:價格.com(KAKAKU)
▲ 價格.com 首頁已為商品作好分類,上手難度不算很高。
稅都同你計埋!-日本消費稅計算器
出發前大家可用價格.com 格價,到左日本後日本消費稅計算器亦係另一個相當好用的 Android app ,日本消費稅計算器唔單止係一個匯率 app 咁簡單,佢仲可以幫用家計埋商品含稅後的港幣價格(除左港幣仲可以轉換成台幣、韓元等 8 種貨幣)。可惜版主只係搵到呢隻 app 的 Android 版本,不知 iOS 有無類像工具呢?
▲ 兩張圖已經講完日本消費稅計算器的功能,這 app 可謂功能不多實用性卻相當高。
日本消費稅計算器
開發者: bitartist平台:Android
適用版本:Android 2.3.3 以上
售價:免費
下載: Google Play