有別於現時市面上其他主打著數優惠嘅 Apps，乜嘢著數都貼一餐，而且經常推送通知煩住晒，派錢 Club 主力介紹大機構「派錢級」的著數或者價格限時折扣 50% 或以上的超筍優惠，開發者連登巴打 Eleven 講到明，唔係派錢級著數都唔會推送通知，用戶大可放心。Eleven 表示由於佢係獨立開發者，並非公司營運，所以開發一手包辦，而優惠都係慢慢發掘，所以上架的優惠未必好多但都係精選。
版主親身試用過，派錢 Club 的確有唔少不足之處，例如介面有啲簡陋，只可以 Bookmark 一個都唔夠方便。不過派錢 Club 有用戶留言區，可以分享優惠有冇伏夠晒方便，而且唔會經常推送狗屎垃圾優惠的確唔錯，如果可以限制只推送個別類型的優惠，可能會更加理想。派錢 Club 只係推出咗好短時間，相信陸續會有其他功能或更新。
派錢 Club
下載：iOS / Android售價：免費