最近 Apple 又發表了不少新產品，例如 Apple Watch、iPad / iPad Air 等等，而如果你是果粉的話，相信這些產品你幾乎全部都有。當你愈來愈多 Apple 產品，要充電的時候其實都幾麻煩，左一條線右一條線，如果有一個流動尿袋，既可以收埋你的 Apple 配件節省空間，又可以幫你大部分嘅 Apple 裝置叉電，又係咪值得你支持呢？睇下文啦！
Momax 推出咗首個可同時為 Apple Watch、AirPods、iPhone、iPad 充電的流動充電器 Airbox，同時亦係一個罕見可以摺得埋嘅尿袋，打開後可以為 AirPods、Apple Watch、甚至 iPhone 放入去進行無線充電，並有一個空間可以放置 Apple Pencil，唔使成日亂咁擺最後唔見咗。而機身外殼仲設有 USB 插槽，可插線幫埋你嘅 iPad 充電。
而呢件產品最大特色除咗係多功能，而且係方便易攜。呢個 Momax Airbox 現在 KickStarter 進行眾籌，最低價方案為 $690，多買多平，預計會在 10 月發貨。目標眾籌金額為 $40000，在文章撰寫時已極速達成了目標。大家又有沒有興趣呢？