外型先決，最緊要好揸手？
話 thecoopidea 嘅便攜充電池係專為 iPhone 而設絕不為過，因為呢個牌子一向都係以「玩色」「玩外型」見稱，電池容量唔大，對 Android 手機用家而言，未必夠用。不過今次嘅 CLAY 便攜充電池，就有 9000mAh，而且有成兩個 USB 接口，最大電流為 2.4A（輸入就係 5V/2A）。對比其他牌子「尿袋」可以有成 20000mAh， CLAY 便攜充電池少差不多一半就當然無得比，但勝在 size 夠細， 96 x 62 x 23mm 體積放入褲袋或者女士們用的小型袋，都唔成問題。
最後 thecoopidea 係 CLAY 便攜充電池帶點渾圓嘅外型上加入左防滑 Smooth Rubber Coating，有粉紅、湖水藍、淺灰三款，方便隨身攜帶之餘，個 look 拎出街都叫靚靚仔仔無山寨味。thecoopidea CLAY 便攜充電池建議零售價 $299，唔係追求超大電量嘅朋友其實可以考慮下嘅。