主題:開箱 $359 黑鯊冰封制冷背夾 2 磁吸版,發生咗意想不到嘅事!?

ePrice HK
  • 發表時間:2021-09-03 22:25 收錄檢舉
    近期天氣真係好熱,諗返起上次去 MIRROR 有份出席嘅三星 Galaxy Z Fold3 5G / Z Flip3 5G 發佈會,真係熱到出汁,連同事 Daniel 拎住部三星 Note20 Ultra 5G,平時好少出問題,偏偏嗰日都因為過熱而彈相機 App,難為 MIRROR 12 子仲要個個着住長袖西裝跳舞,辛苦佢哋。唔係人需要解暑,手機都要,可以點做? 最近就開箱咗一款叫「黑鯊冰封制冷背夾 2 磁吸版」,號稱可以適用於任何手機,係咪真係咁堅?版主試完,發現都係會有例外,而且仲發生咗件意想不到嘅事。想知詳情,睇下文啦!

    開箱 $359 黑鯊冰封制冷背夾 2 磁吸版,發生咗意想不到嘅事!?-0
     

    黑鯊冰封制冷背夾 2 磁吸版開箱

    開箱就都係一堆實物圖,不過畀大家睇圖之前,我直接同大家分享一下,我用主機 iPhone 11 Pro 試用後的感覺吧。我會分開優點同缺點來說:
     
    優點 缺點
    1. 確實做到手機降溫效果,就算不用做甚麼測試 (我都無相關工具去測溫),你親身摸落去已經 feel 到冰涼感覺。
    2. 幾乎大部分手機,甚至平板都用到 (但凡事有例外,就好似三星 Z Flip3 摺機,你要摺埋就未必用到了),因為只需用磁吸貼貼到手機上,然後將風扇貼下去即可,也算是方便拆卸。
    3. 轉速 7200 轉 / 分鐘,風扇聲音不算大聲。
    4. 價錢唔算貴,豐澤有賣 $359。
    1. 依然大舊,拎出街用唔方便。
    2. 磁吸力度比磁吸貼貼喺手機上嘅痴力仲要強,雖然話就話方便拆卸,但我一拆就連磁吸貼都拆走埋。這帶來的問題就是,成日又甩又痴,好容易會搞到無哂痴力。
    3. 明明有磁吸貼可以另外買,但香港無得買,要買就要自己去大陸小米商城買,或者偉大嘅淘寶幫到你。
    4. 本身無內置電池,一定要拉住條 USB 線先用到,唔方便。
    5. 雖然幫到手機降溫,但風扇本身依然會有一定熱力,特別當風扇向下放,過一陣間拎上手會 feel 到有點熱,所以放低手機一定要將屏幕向下先得。
     
     
    開箱 $359 黑鯊冰封制冷背夾 2 磁吸版,發生咗意想不到嘅事!?-1
    ▲ 產品包裝盒如上圖,都係一睇就有陣小米味。

    開箱 $359 黑鯊冰封制冷背夾 2 磁吸版,發生咗意想不到嘅事!?-2
    ▲ 打開會見到風扇實機。

    開箱 $359 黑鯊冰封制冷背夾 2 磁吸版,發生咗意想不到嘅事!?-3
    ▲ 有條 USB C to USB C 充電線。

    開箱 $359 黑鯊冰封制冷背夾 2 磁吸版,發生咗意想不到嘅事!?-4
    ▲ 本身風扇支持 iPhone 12 系列的 MagSafe,不過為方便其他手機使用,跟機會送張磁吸貼。而如果你有多部裝置,你可以額外自行購買磁吸貼,但就香港無囉,要去大陸小米商城搵,或者偉大嘅淘寶幫到你。

    開箱 $359 黑鯊冰封制冷背夾 2 磁吸版,發生咗意想不到嘅事!?-5
    ▲ 我手上主機就用 iPhone 11 Pro,比較適合係裸機使用,首先將磁吸貼上面層膠摵走,然後你就可以將磁吸貼痴落去部手機度。

    開箱 $359 黑鯊冰封制冷背夾 2 磁吸版,發生咗意想不到嘅事!?-6
    ▲ 然後你就可以將風扇對準磁吸貼,輕力放落去,即可。

    開箱 $359 黑鯊冰封制冷背夾 2 磁吸版,發生咗意想不到嘅事!?-7
    ▲ 貼歪咗,無事嘅,諗住抆返個風扇出嚟,再重新貼過囉。點知磁吸力度大過磁吸貼痴住我部 iPhone 11 Pro 嘅痴力,變相就連成張磁吸貼都抆埋出嚟,呢樣真係意想不到。如果下下都係咁,真係好快張磁吸貼痴哂塵,然後最後就無哂痴力。

    開箱 $359 黑鯊冰封制冷背夾 2 磁吸版,發生咗意想不到嘅事!?-8
    ▲ 幾經辛苦,終於對返正喇,得咗。

    開箱 $359 黑鯊冰封制冷背夾 2 磁吸版,發生咗意想不到嘅事!?-9
    ▲ 不過都有唔好嘅地方,無內置電池,一定要叉住個風扇先可以用到,即係變相你出街打機,都要掛住個尿袋駁住風扇先得,呢個相信係一個唔方便嘅地方。

    開箱 $359 黑鯊冰封制冷背夾 2 磁吸版,發生咗意想不到嘅事!?-10
    ▲ 因為版主我自己又無監測溫度的工具,而 iPhone 上幾乎沒有 app 可以查看手機的溫度,於是乎我就找了一款電腦應用程式 iMazing,查看電池的溫度,可以見到在版主一直着住個芒而又有使用風扇的情況下,當前手機電池溫度為 23 度。

    開箱 $359 黑鯊冰封制冷背夾 2 磁吸版,發生咗意想不到嘅事!?-11
    ▲ 而關掉風扇後,繼續着住個芒,見到溫度開始逐漸升溫,大約 6 分鐘後,已經升到 28.1 度。而在手機一直靜止,單純着住個芒嘅情況下,電池溫度去到 30.5 度就開始停止。由此可見,在甚麼都不做的情況下,風扇可以大約幫到手機降溫大約 7.5 度。別小看這 7.5 度,這只是因為手機沒有在工作的情況下,如果打機嘅話,會見到更明顯嘅分別。

    開箱 $359 黑鯊冰封制冷背夾 2 磁吸版,發生咗意想不到嘅事!?-12

    開箱 $359 黑鯊冰封制冷背夾 2 磁吸版,發生咗意想不到嘅事!?-13
    ▲ 再來我開住風扇,用嚟玩咗一場 PUBG mobile 食雞,食完一場雞你預大約半個鐘左右,溫度都只係 27.1 度,可見佢散熱能力都相當強,呢樣都係幾意想不到,意料之外。
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁