▲ 首先來過官方 Galaxy S5 預告短片。
爆料 001 : Galaxy S5 是防水的
第一單版主想講的 Galaxy S5 功能爆料，其實不太太爆，先前 O2 流出的那張浸水海報圖，好多人已經講 Galaxy S5 好大機會是防水的，而放風者跟版主確實會加入防水防塵功能，防護系數 IP67。不過，上年 Samsung 推出防水手機 Galaxy S4 Active 時，其防水效能被受質疑，加上保修條款苛刻，若果 GS5 真係聲稱有防水，你信唔得過，有起事上來，是否又是「千七蚊，換底板」收場？網友的信心去到幾大，會係 GS5 防水功能是否真正賣點的考驗。
▲ 防水手機一向是 Sony 招牌，Galaxy S5 也會加入 IP67 防水防塵設計，令人好奇實品會是如何呢？
爆料 002 : 4G + WiFi 同時上網
放風者亦跟版主透露，Samsung Galaxy S5 新增 3G / 4G + WiFi 無線網路 : 雙通道同時上網功能，這不是指之前的雙通道 Wi-Fi，而是手機在使用 3G 或 4G 的同時，也可以同時啟用 Wi-Fi，雙管同步讓上網速度更快。這項功能很新，大家手上的手機應該都做不到。不過 4G + Wi-Fi 同時上網並非獨家，原來日本富士通在去年 11 月發表的 ARROWS Z FJL22 就主打過雙通道上網。ARROWS Z FJL22 的雙通道上網功能稱 Multi-Connection，例如在瀏覽圖片資料量較大的網頁時，4G 與 Wi-Fi 會分別下載不同的數據資料來加速網頁讀取速度，讓使用者可以更順暢的瀏覽網頁，比較不會出現目前手機拖移網頁還需要等待網頁載入的狀況。富士通也強調，當 4G + Wi-Fi 同時上網，所耗費的電力只會比單用 4G 本身多一點點，假設 S5 和 ARROWS Z FJL22 是在講同一件事情，多了這項新功能，大家覺得吸引力如何呢？
▲ Galaxy S5 將會支援 4G + Wi-Fi 同時上網功能，真係咁有用? (其實商場及戶外的免費 WiFi，速度多數慢過 4G，兩個一齊用，隨時有多得慢。返屋企仲用 4G? 可能三星要叫網絡商再度提供無限上網才化算了)
爆料 003 : 仿完皮革再仿金屬
放風者跟版主還說了 Samsung Galaxy S5 的外型，有黑、白、藍、金四款顏色，形狀偏方。可能成本的問題，傳聞三星情願繼續「仿」也不用「真」材料。大家記得 Note III 巧妙地把「膠」變為皮革感覺，而傳聞更誇張，今次 Galaxy S5 連金屬也「仿」出來。記得最近版主行深水埗電話舖，已經成街都係「仿」皮革機背手機，可能這種技術，跟本係低成本。當 Galaxy S5 推出，可能又會一街都是「仿」金屬手機了。爆料 004 : 機背測心跳
Samsung 推出 Galaxy S4 時，已大力推廣內置 S Health 功能，手機要變為健康工具。最後有幾多人嫌佢浪費 ROM 位置，甚至幾多人用又另一件事，放風者表示，三星繼續潮向這個目標進發，Galaxy S5 機背是可以測心跳率的，但詳細怎樣用，真係要等發佈會才知道。爆料 005 : GEAR 一推四款
連三星自己都表示過，Galaxy Gear 智能手錶只是花幾個月研發，擺明搶 Apple 頭啖湯，所以由功能與外型都是不完整。Samsung 發佈 Galaxy S5 同時，傳聞會有 Gear2，放風者更說 Gear2 唔單止一款，據知名字如下： Galaxy Gear Fit、Galaxy Gear Neo 及 Galaxy Gear 3G。你問我有乜唔同，我真係唔知，要估的話，Fit 會跟運動有關，Neo 可能是平價版，3G? 可能可以直接上網吧！真係等三星當晚怎樣公佈了。(三星提早在 23/2 香港時間，發佈了新一代 Gear : Gear 2 及 Gear neo，按此睇介紹)
▲ Note 3 用膠扮皮革，傳聞 Galaxy S5 繼續用膠扮金屬
當真嗎 
最後一句: 等發佈
最後一句，版主上述消息，唔係老作，唔係靠估，全部是由可信任的知情人士跟我透露。我沒有說一百巴仙準確，信不信由你，而我當然信自己的收料能力啦! ePrice.HK 高手云集，歡迎知情者在未發佈前，係呢個平台，搶先爆料!按這裡有更多 HTC One2 M8 的傳聞
按這裡有更多 Samsung Galaxy S5 傳聞
按這裡有更多 Sony Xperia Z2 的傳聞