Samsung Galaxy Note 4 傳聞有 S805 + 4GB RAM！強勁規格賣 $6,300 抵玩嗎？
今日係印尼購物網站 erafone 流出疑似 Samsung Galaxy Note 4 既完整規格，入面寫住會採用 5.7 吋 1440 x 2560 解像度 AMOLED 屏幕、 Qualcomm S805 2.5GHz 處理器或者 Exynos 5433 雙四核處理器、內存方面有 16/32/64GB 三個版本，而且是有 4GB RAM ，應該將手機速度運行得好盡吧，而鏡頭方面是 1600 萬像素主鏡頭，更有 O.I.S 光學防手震加持，唔知會唔會成為 Galaxy Note 4 既一個大賣點，最可惜網站冇寫到 Galaxy Note 4 既電池量，唔知會唔會有一個驚人既數字。根據網站， Samsung Galaxy Note 4 係印尼既定價係 9,499,000 印尼盾，約 $6,300 港幣。其實每一代 Galaxy Note 係香港既價都要 $6,000 ，預計新一代價錢也差不多吧，就睇下香港會唔會分開 3G/4G LTE 版黎賣。其實講到呢部機，我更關注既係會唔會有新既 S-Pen 功能，畢竟呢個係 Galaxy Note 系列既大賣點啊！如果傳聞屬實， Galaxy Note 4 沿用 5.7 吋屏幕大家覺得如何呢？留言講講吧！
▲這是印尼網站流出 Samsung Galaxy Note 4 既規格，大家認為幾成真呢？