蘇寧加入劈價戰! 三星旗艦仍然有減,豐澤特價機款更多

Lawrence 2015-06-15 19:18 | Samsung
上星期同大家分享過大鋪劈價戰又再出現,係衛訊帶頭下不論是 LG 、 HTC 、 Sony 還是 Samsung 的旗艦機都有九折優惠。而其他大鋪反應都相當迅速,一時之間「照價再減」四字係各大鋪都可以見到,各款旗艦機吸引力自然大左唔少。而經過左一個周末後,各大鋪之間割價會否更加激烈,減價機款更多呢?一齊來睇睇啦!

//timgm.eprice.com.hk/hk/mobile/img/2015-06/15/202367/lawrencelaw_1_4523_0a19de42f4d6c2fd19c131eac3b161c4.jpg

S6 Edge 不再減價,大鋪劈價戰玩完?

經過左一個周末,各大鋪減價戰看來暫時有緩和的趨勢,除左大熱旗艦款式未有減更多之外,有網友提到本來列明有減價的 Samsung Galaxy S6 Edge 出人意料之外地從「照價再減」行列中被刪走,莫非 S6 Edge 咁受歡迎火速售馨?版主今日到大銷查詢時就發現原來 S6 Edge 仍然有得減,只係各大鋪所減的幅度不同,例如衛訊仍然有「即減 10% 」優惠而係豐澤雖然只係減 $300 ,但係就會有無線充電器同手機殻送返,所以大家想平少少入手 S6 Edge 仍然係有機會的,不過呢部機本身定價實在不便宜,是否值得入手就見人見智了。

雖然係減價幅度上未有甚麼改變,但係就有大鋪將更多的手機納入減價範圍。以上星期只有四款手機減價的豐澤為例,佢哋就係最新的「照價再減」宣傳海報中加入左 HTC One M9 同埋 Sony Xperia Z3 兩款手機,不過係價錢上其實只能夠話係追上其他大鋪水平而已, One M9 在豐澤價錢係 $4498 ,而 Xperia Z3 價錢就要 $4228 ,兩者同其他大鋪相比不都算特別便宜。

至於百老匯同埋中原兩間大鋪,版主今日查看時大致上都係旗艦型號好似 LG G4 、 Sony Xperia Z3+有九折優惠,而 Galaxy S6 Edge 減三百,同上星期相比沒有甚麼改變。


蘇寧加入劈價戰!同樣即減 10% 但吸引力可能更大?

上兩次版主分享劈價戰消息的時候,有一樣間大鋪係未有提及的,就係蘇寧電器啦!原以為蘇寧不會跟風一齊減啦,但想不到其實佢地去得更盡!同百老匯一樣,蘇寧只係提到有「手機即減 10%」但就未有提到甚麼型號有減價,但當大家去到問價時或許會有驚喜。以 Samsung 的 Galaxy S6 為例,目前其他大鋪並未有將呢部機列入減價範圍的,但版主係旺角蘇寧就問到 $5130 呢個價錢,亦即係同樣有九折!連不少網友都虎視眈眈等緊入手良機的 LG G3 都可以做到比出面大鋪便宜的賣價 $3500 。不過,要留意係蘇寧係一間比較「有個性」的大鋪,版主查詢不同分店時可以得到相近但不是完全一樣的售價,所以都係果句啦,行多幾間問清楚才入手會較著數。過左幾日劈價戰不知大家又有無入手邊款手機呢?大家一齊分享下啦!

//timgm.eprice.com.hk/hk/mobile/img/2015-06/15/202367/lawrencelaw_1_4523_19f4b2f619eb746a6cd7e1ff1e015fe0.jpg
▲ 雖然百老匯都推出左照價再減,但係 G Flex 2 賣價仍然要 $4398 ,其實不及衛訊 $3998 便宜的。

//timgm.eprice.com.hk/hk/mobile/img/2015-06/15/202367/lawrencelaw_1_4523_b0790b258fe6f51eff6395d4d8bf4043.jpg
蘇寧都推出左手機即減 10% ,雖然有細字寫住「會員尊享」,但版主查詢時一樣可以減。

在文章發佈時, Sony Xperia Z3+ 賣價為 $5128 ,按此看詳細規格和最新賣價
在文章發佈時, Sony Xperia Z3 賣價為 $4138,按此看詳細規格和最新賣價
在文章發佈時,HTC One M9 賣價為 $4498 ,按此看詳細規格和最新賣價
在文章發佈時, HTC One E9+ 賣價為 $3958 ,按此看詳細規格和最新賣價
在文章發佈時, HTC One M9+ 賣價為 $5398 ,按此看詳細規格和最新賣價
在文章發佈時,Samsung S6 Edge 32GB 版本賣價為 $5938 ,按此看詳細規格和最新賣價
在文章發佈時,Samsung S6 Edge 64GB 版本賣價為 $6748 ,按此看詳細規格和最新賣價
在文章發佈時,Samsung S6 賣價為 $5698 ,按此看詳細規格和最新賣價
在文章發佈的時侯, LG G4 單卡與雙卡版本賣價為 $5128,按此看詳細規格和最新賣價。

最新新聞