![SamsungFB.jpg //timgm.eprice.com.hk/hk/mobile/img/2015-09/18/203323/lawrencelaw_1_4523_992eb7714bcdcbb145a9017c4aa92d56.jpg](http://timgm.eprice.com.hk/hk/mobile/img/2015-09/18/203323/lawrencelaw_1_4523_992eb7714bcdcbb145a9017c4aa92d56.jpg)
Samsung Galaxy Note 5 開賣一個月不到,細鋪即減六百,五千有交易
首先要講的就係今次主角 Galaxy Note 5 了,呢部機係上月開賣時版主留意過,其實銷情都相當不錯,相信係因為定價比起預期低同埋 Note 系列向來有支持者捧場的關係吧?不過,係開賣時反應熱烈看來並不代表 Note 5 的價錢可以企得硬呢!當 iPhone 6s 推出後 Samsung 即時將 S6 edge 定價調低後,深水埗鴨寮街有賣行貨的細鋪就去得更盡,將開賣一個月不到的 Note 5 減價,而且減幅並唔細,由 $5688 定價一下子減到 $5080 。以 5.7 吋 2k 大芒再加上有 4GB RAM 的旗艦來講,五千蚊就可以入手其實吸引力都相當不錯,唯一比較令人擔心係手機只有 32GB 內置容量,部份用家相信未必夠使。大家又點睇?64GB 版 S6 edge 減得更勁!會否比 Note 5 更吸引?
係 Note 5 以及 S6 edge+ 推出左之後,無疑 S6 edge 係價錢方面定位係有點尷尬的。(多左條曲邊但仲貴過 Note 5 ,好難叫人會有意欲入手吧?)相信因為呢個原因, Samsung 上星期就將 32GB 以及 64GB 版本的 S6 edge 價錢調低,但係 64GB 版本的 S6 edge 價錢仍然過六千,對於有意用 Samsung 旗艦但又怕 32GB 版本不夠用的朋友來講,相信都幾頭痛。係細鋪方面,近排 64GB 版本的 S6 edge 一口氣減左成 $700 ,而家只係 $5798 ,而 32GB 版本就要 $5380 。![use1.jpg //timgm.eprice.com.hk/hk/mobile/img/2015-09/18/203323/lawrencelaw_3_4523_cacf77cd4405da343d6571879b612ce4.jpg](http://timgm.eprice.com.hk/hk/mobile/img/2015-09/18/203323/lawrencelaw_3_4523_cacf77cd4405da343d6571879b612ce4.jpg)
▲ 同係大鋪買機一樣,深水埗賣行貨的細鋪一樣會有 Samsung OTG 手指送的。
![USE2.jpg //timgm.eprice.com.hk/hk/mobile/img/2015-09/18/203323/lawrencelaw_3_4523_4f71471d8df593bb1aecb5b8494564b4.jpg](http://timgm.eprice.com.hk/hk/mobile/img/2015-09/18/203323/lawrencelaw_3_4523_4f71471d8df593bb1aecb5b8494564b4.jpg)
▲ Galaxy S6 edge 版主都用過一段頗長的時間,雖然手感真係算唔上好,但都不失為一部好用的手機嘅。
最後,提起 Samsung 的旗艦,不得不提一下在下星期會推出,預計會用上跟 Note 5 一樣的 Samsung Exynos 7420 八核處理器的魅族新旗艦躲族 Pro 5 了。雖然以目前消息來看 Pro 5 都係會用返 FHD 解像度屏幕,但係要知道目前來講 Exynos 7420 仍然係效能上最出色的處理器,魅族的 Pro 5 會否成為新一代的「性能怪獸」實在叫人期待呢!當然版主都會去 9 月 23 號北京的發佈會啦,而家可以頗為肯定的是 Pro 5 將不會好似 MX5 一樣只有「單腳 4G 」。唔信大家又覺得今次 Note 5 減價有無睇頭呢?不妨留言講講啊!
![6788666727.jpeg //timgm.eprice.com.hk/hk/mobile/img/2015-09/18/203323/lawrencelaw_1_4523_0616b8a302ed0d6a3c128a8f3d6a939e.jpeg](http://timgm.eprice.com.hk/hk/mobile/img/2015-09/18/203323/lawrencelaw_1_4523_0616b8a302ed0d6a3c128a8f3d6a939e.jpeg)
▲ 呢個就係傳聞中魅族 Pro 5 的模樣,跟 iPhone 好像孖生兄弟呢!
在文章發佈的時侯, Samsung Galaxy Note 5 定價 $5,688 ,按此看詳細規格和最新賣價。
在文章發佈的時侯, Samsung Galaxy S6 Edge (32GB) 定價 $5,698 ,按此看詳細規格和最新賣價。
在文章發佈的時侯, Samsung Galaxy S6 Edge (64GB) 定價 $6,498 ,按此看詳細規格和最新賣價。