首先講下外型方面，呢兩部新手機都採用金屬機身設計，並都會搭配銀色的金屬邊框。而從網上流出的諜照來看，A5 搭配了金屬材質的機背，但 A7 方面，從它可反射的表面來看，相信好大機會會搭配玻璃機背。至於屏幕方面，A5 有傳將會配搭 5.2 吋 S-AMOLED 全高清屏幕，而 A7 個芒就大啲，將會配搭 5.5 吋同樣是 S-AMOLED 的全高清屏幕。
▲ Samsung Galaxy A5 的正反兩面圖，按圖可放大。
▲ Samsung Galaxy A7 的正反帷面圖，可能會配搭玻璃機背。
咁至於規格方面，根據 GFXBench 的資料顯示，新版的 A5 配備了 Samsung 自家的 Exynos 7 1.6GHz 八核心處理器以及 ARM Mali-T720 圖像處理器，並內置 2GB RAM 以及 16GB ROM。相機方面，新版的 A5 將會採用 1300萬像素的主鏡頭以及 500 萬像素的前置鏡頭，前後鏡頭均支持 1080p 全高清錄影。
新版的 A7 有傳並唔會用自家處理器，而會用番 Qualcomm Snapdragon 615 1.5GHz 八核心處理器以及 Adreno 405 圖像處理器，內置 3GB RAM 以及 16GB ROM，並支持外置 microSD 卡。相機方面同 A5 一樣，都是 1300 萬像素以及 500 萬像素的組合。另外，A7 將會預載 Android 5.1.1 系統。
呢兩部機預計都會在今年年底推出。睇完以上 A5 同 A7 嘅後繼機諜照以及基本規格，唔知大家對呢兩部新機有咩睇法呢? 版主覺得其實呢兩部機喺外型上係差不多，目前黎睇主要係屏幕大小同埋使用材質嘅分別。從規格上黎睇，我又比較傾向 A7 多啲。你又中意邊部呢?
來源：Android Authority